АБНА24 Хәбәр Верир, бу барәдә Полша Хариҹи Ишләр Назирлији мәлумат јајыб. “15 апрел 2021-ҹи ил тарихиндә Русија Федерасијасынын Полша Республикасындакы сәфири Хариҹи Ишләр Назирлијинә чағрылыб. Сәфирә Русијанын Варшавадакы сәфирлијинин үч әмәкдашынын арзуолунмаз шәхс кими танынмасы барәдә мәлуматы әкс етдирән дипломатик нота тәгдим едилиб”, - мәлуматда белә дејилир. Полша ХИН-ин вердији мәлумата ҝөрә, “гәрар бу шәхсләрин дипломатик статус шәртләрини позмасы” вә “Полша Республикасынын әлејһинә аддымлар атмасы” илә әсасландырылыб. “Полша АБШ-ын 15 апрел 2021-ҹи ил тарихиндә Русијаја гаршы сијасәтлә әлагәли гәрарлары илә һәмрәјдир. Бирҝә гәбул едилмиш, разылашдырылмыш мүттәфиг гәрарлар Русија Федерасијасынын дост олмајан һәрәкәтләринә ән доғру ҹавабдыр”, - дејә Полша ХИН-ин ачыгламасында гејд олунуб. Гејд едәк ки, Русијанын Полшадакы дипломатик нүмајәндәлијинин мәтбуат катиби Владимир Александров сәфир Серҝеј Андрејевин Полша ХИН-ә чағырылмасы барәдә мәлуматы тәсдигләјиб. Сәфирлик мәсәлә илә бағлы һәләлик ачыглама вермәјиб.
342/
