АБНА24 Хәбәр Верир, Анадолу хәбәр аҝентлијинин мәлуматына ҝөрә, Түркијә президенти Рәҹәб Тајјиб Әрдоған Истанбулдакы чыхышында дејиб: "Исламофобија Гәрб сијасәтчиләринин уғурсузлугларыны өрт-басдыр етмәк үчүн ән әһәмијјәтли васитәләриндән биридир. Һазырда медиа, профессорлар, јазычылар вә назирләр кечмишдә, бу ҝүн кәнарда сахланылан груплар тәрәфиндән истифадә едилән бу популист јанашманы јенидән ҹанландырырлар". Әрдоған сөзләринин давамында дејиб: "Тәкҹә Алманијада Түркијә вәтәндашларына гаршы 900 иргчи һүҹум гејдә алыныб вә коронавирусла әлагәдар тәтбиг едилән мәһдудијјәтләр сәбәбәиндән мәсҹидләрә вә Ислам бирликләринә гаршы 121 һүҹум барәдә мәлумат верилмәјиб. Түркијә президенти чыхышынын башга бир һиссәсиндә Түркијә вәтәндашларынын Авропада артан нүфузу вә иштиракындан бәһс едиб вә бу феномени Авропа рәсмиләринин нараһатлығына сәбәб олан амилләр кими дәјәрләндириб.
342/
