АБНА24 Хәбәр Верир, Чин хариҹи ишләр назирлији ҹүмә ҝүнү вурғулајыб ки, Америка Ирана гаршы санксијалары азалтмалыдыр вә Теһран да өз нөвбәсиндә нүвә өһдәликләринә ҝери дөнәҹәкдир. Чин хариҹи ишләр назирлијинин сөзчүсү Һуа Тсзјан Јин дә сон заманлар Американын нүвә анлашмасына гајыдышы вә Ирана гаршы санксијаларын ләғв едилмәсинин ваҹиблијини вурғулајраг белә демишди: Иранын нүвә мәсәләси һәссас бир заман кәсијиндә гәрар тапыб. Тәҹили приоритет будур ки, Америка нүвә анлашмасына гајытсын вә санксијалары тез бир заманда арадан галдырсын ки, ики тәрәф нүвә анлашмасыны әсас јола гајтармыш олсун. Чин хариҹи ишләр назирлијинин сөзчүсү һәмчинин үмид етдијини билдирибдир ки, нүвә анлашмасынын бүтүн тәрәфләри даһа артыг сүрәтлә ишләјәрәк, бу анлашманын бәрпасы үзрә илкин аддымлар үстүндә разыллыға ҝәләҹәкләр. АБШ-ын сабиг президенти Доналд Трамп 2018-ҹи ил мајын 8-дә биртәрәфли гајдада Вашингтонун нүвә анлашмасы алтындакы өһдәликләрини позараг, өлкәсини бу бејнәлхалг анлашмадан чыхарды вә Ирана гаршы нүвә санксијаларынын ҝери дөндүјүнү елан етди. Трампын бу һәрәкәти һәм бу өлкә дахилиндә, һәм дә бејнәлхалг сәвијјәдә писләнилди.
342/
