АБНА24 Хәбәр Верир, ки, Сәид Хәтибзадә БМТ-нин Инсан Һаглары Шурасинин 46-ҹы иҹласында бир груп өлкәнин Иран әлејһинә тәсдигләдији гәтнамәјә реаксијада дејиб: "Бу гәтнамә пракәндә вә зәиф сәсләрин нәтиҹәсидир вә бејнәлхалг консенсус вә мәгбулијјәтдән мәһрумдур". Иранын Хариҹи Ишләр Назирлији сөзчүсүнүн сөзләринә ҝөрә, бу гәтнамәдә елә бир хүсуси мәрузәчинин миссијасы узадылыб ки онун һесабатларында дәрман вә тибби ләвазиматларын тәмин едилмәсиндә чәтинликләр сәбәбиндән онларла мәсум ушаг вә ҝүнаһсыз хәстәнин өлүмүнә һеч бир ишарә едилмәјиб вә минләрлә Иран вәтәндашынын "јашамаг" вә "мүалиҹәјә ҝириш" һүгугларынын гәти шәкилдә позулмасынын онун үчүн һеч бир әһәмијјәти јохдур. Хәтибзадә әлавә едиб: "Бу гәтнамәни дәстәкләјәнләр илк нөвбәдә АБШ һөкумәтинин һәрәкәтләрни гынамалыдырлар; Һансы ки, онларын игтисади терроризми, биртәрәфли вә залымҹасына санксијаларынын сәртләшдирилмәси вә онларын дағыдыҹы тәсирләри нәтиҹәсиндә иранлылар коронавирусла мүбаризә дөнәминдә дәрман вә тибби тәҹһизатлар кими әсас еһтијаҹларыны тәмин едә билмирдиләр". Иран Хариҹи Ишләр Назирлијинин сөзчүсү, һәмчинин АБШ-ын игтисади терроризминдән ирәли ҝәлән залымҹасына тәзјигләрә бахмајараг, Иранын һәмишә өз вәтәндашлары вә бејнәлхалг иҹтимаијјәт гаршысында ҝөтүрдүјү өһдәликләрә садиг галдығыны сөјләјиб.
342/
