АБНА24 Хәбәр Верир, ки, адына ишарә олунмајан АБШ һөкумәтинин бу јүксәк вәзифәли шәхси билдириб ки, Ирана гаршы нефт санксијаларынын арадан ҝөтүрүлмәси үчүн һеч бир програм јохдур. Бу америкалы рәсми сонра дејиб: Вашингтон санксијаларын иҹрасы үзәриндә тәмәркүзләшмәк јеринә, Иранын өз нүвә аддымларыны ҝеријә гајтармасына үстүнлүк верир. Доналд Трамп һөкумәти 2019-ҹу илдә Американын санксијаларыны поздугаларына вә Иранла нефт мүбадиләләрини асанлашдырдыгларына ҝөрә, Чинин бир дөвләт ширкәтинә вә бу өлкәнин бир нечә нефтдашыма ширкәтинә санксијалар тәтбиг етди. Бу америкалы рәсминин сөзләри елә бир һалда сөјләнибдир ки, АБШ-ын дөвләт катиби Ентони Блинкен вә Ағ Ев-ин милли тәһлүкәсизлик мүшавири Ҹејк Салливан ҹүмә ахшамы ҝүнү, Американын јени һөкумәтинин һакимијјәтә ҝәлдији замандан бәри илк дәфә олараг, Алјаскада өз чинли һәмкарлары илә ҝөрүшмәлидирләр. Ентони Блинкен өтән һәфтәнин чәршәнбә ҝүнү бу вәзифәдә конгрес гаршысындакы илк динләмә иҹласында деди ки, Вашингтон Иранын нүвә анлашмасындакы өһдәликләринә садиг галмасындан өнҹә бу өлкәјә гаршы санксијалары ҝөтүрмәјә һазыр дејилдир. Вашингтон 2018-ҹи илдә Донал Трампын президентлији дөврүндә биртәрәфли сурәтдә нүвә анлашмасындан чыхды, амма Ҹо Бајден Бирләшмиш Штатлары бу анлашмаја ҝери гајтармаға тәмајүл ҝөстәрибдир. Бунула белә, индијәдәк АБШ-ын нүвә анлашмасына ҝери дөнмәси үчүн Бајден һөкумәти тәрәфиндән һеч бир реал аддым атылмајыбдыр. Иран Ислам Республикасы дәфәләрлә вурғулајыбдыр ки, Америка анти-Иран санксијаларыны ләғв едәрсә, Теһран да дәрһал өз нүвә анлашмасы өһдәликләринә ҝери дөнәҹәк.
342/
