АБНА24 Хәбәр Верир, Дејерлер.орҝ-а истинадла хәбәр верир ки, Гәтиф гәсәбәсиндәки јерли мәнбәләр, режимин јүзләрлә аиләни шәһәрин мәркәзиндәки Әл-Тәвра (Ингилаб) күчәсиндән чыхармаг истәдијини билдирибләр. Нашет Гәтифи (Насһетгатифи) Твиттер сәһифәсиндә билдириләнә ҝөрә, бу күчә, хүсусән 2011-ҹи илдә бир чох етиразлара шаһид олуб вә бу күчәдәки һәр аиләнин јаралы вә ја һәбсдә галан бир шәһиди вар. Бу ҝүнә гәдәр 521 аиләдән евләрини сатараг бошалтмалары истәнилиб. “Сәудијјә режиминин мәгсәди 2011-ҹи ил етиразларынын әламәтләрини вә хатирәләрини силмәкдир. Хүсусилә Гәтифдә ингилаб вә етиразларын символуна чеврилән Әл-Тәвра күчәси...” - дејә Нашет Гатифи билдириб. Сәуд режими евләрин өдәнишли шәкилдә бошалдылмасынын зәрури олдуғуну сөјләсә дә, сакинләр сатмаг вә ја әразидән көчмәк истәмирләр. Сакинләрин дедијинә ҝөрә, тәклиф олунан мәбләғ ев алмаг үчүн јетәрли дејил вә бәзи евләрдә бир нечә аилә јашајыр вә беләликлә аиләләр үчүн мәнзил бөһраны јараныр. Әрәбистанлы фәалын сөзләринә ҝөрә, мәгсәд бөлҝәни инкишаф етдирмәк дејил, садәҹә Сәудијјә режими халгдан гисас алмаг истәјир. Бәнзәр һадисә 2017-ҹи илдә Гәтифин Әл-Мәсура бөлҝәсиндә дә баш вермишди вә бир чох ев булдозерләр тәрәфиндән дағыдылмышды. Өтән илин нојабр ајында Сәудијјә режиминин рәсмиләри Ајәтуллаһ Нимр Багир Ән-Нимрин хүтбә сөјләдији вә намаз гылдығы Гәтифдәки Имам Һүсејн (ә) мәсҹидини дармадағын етмишдиләр.
342/
