АБНА24 Хәбәр Верир, сионист режимин мүһарибә назири Бени Гантс бу режимин Иранын тиҹарәт ҝәмисинин корпусунда партлајышын баш вермәсиндәки ролу барәдә икибашлы ҹавабда дејиб ки, сионист режим бүтүн ҹәбһәләрдә өнләјиҹи аддымлар атмаға борҹлудур. Бени Гантс шәнбә ҝүнү ҝеҹә сионист режим ордусунун сабиг кәшфијјат рәиси Амус Јадлинлә сөһбәтдә бу режимин Иранын тиҹарәт ҝәмисиндә партлајышын баш вермәсиндә ролунун олмасы барәдәки суала ҹаваб вермәкдән бојун гачырыб. Дејиб ки, сионист режимин нә иш ҝөрдүјү вә нә иш ҝөрмәдијини демәк олмаз. Иран Ислам Республикасынын ҝәмичилик ширкәтинә аид олан «Иран Шәһрекорд» контејнер ҝәмиси мартын онунда өзүнүн Ирандан Авропаја олан һәрәкәти јолунда Аралыг дәнизинин бејнәлхалг суларында партлајыҹы бир әшјанын дәјмәси нәтиҹәсиндә јанғына дүчар олуб. Бу тиҹарәт ҝәмисинә һүҹумун тәсирләрини арашдыран техники групун үзвләриндән бири бу барәдә белә дејиб: Ҹоғрафи мөвгејә вә ҝәминин һәдәфәалынма тәрзинә ҝөрә, чох бөјүк еһтималлардан бири будур ки, бу террор әмәлијјаты сионист режим тәрәфиндән һәјата кечирилиб. Иран Ислам Республикасы Хариҹи Ишләр Назирлијинин мәтбуат катиби Сәид Хәтибзадә дә шәнбә ҝүнү дејиб: Әлдә олунан мәлуматлар дәнизләрин һүгугу вә бејнәлхалг һүгугла ашкар шәкилдә тәзад тәшкил едән Иранын контејнер ҝәмисинә гаршы тәхрибатчылыг һүҹумуну тәсдиг едир.
342/
