АБНА24 Хәбәр Верир, ҝенерал-мајор Әмир Һатәми ҝәнҹ журналистләр клубу илә мүсаһибәдә дејиб: Јерли "Мәсаф" силаһы заман кечдикҹә өлкәнин силаһлы гүввәләриндә мөвҹуд олан фәрди силаһлары әвәз етмәк габилијјәтинә маликдир. Ҝенерал-мајор Әмир Һатәми сонра дејиб: Бундан өнҹә орду вә Сепаһ да дахил олмагла һәрби гүввәләрин һәр бириндә бир типдән олан силаһдан истифадә едәрдик, амма ордунун гуру гошунларынын еһтијаҹынын елан олунмасындан сонра тамамилә јерли силаһ олан “Мәсаф” силаһы конструксија едиләрәк, дүзәлдилди. Ҝенерал-мајор Һатәминин сөзләринә ҝөрә, Иран силаһы олан «Мәсаф», дүнјанын модерн силаһлары илә рәгабәт габилијјәтинә маликдир. Иранын Мүдафиә Назирлијинин тәшкилатчылығы илә кечирилән силаһлы гүввәләрин 13-ҹү ҝәнҹ әсҝәр фестивалы илә бир заманда, базар ҝүнү ҝенерал Һатәми тамамилә јерли силаһ олан модерн “Мәсаф” һүҹум силаһыны вә бир нечә идман силаһыны тәгдим етди. “Мәсаф” силаһы һава илә сојудулан јүнҝүл бир силаһдыр. Бу силаһда ишләдилән телескоп гундаг алты вәзијјәтдә тәнзимедилмә габилијјәтинә маликдир. Бу силаһ ән гыса мүддәтдә вә хүсуси васитәләрә еһтијаҹ олмадан, снајпер вә ја карабин типләринә чеврилә биләҹәк формада конфигурасија едилиб. Бу силаһын бүтүн дизајн, дүзәлдилмә вә истеһсал мәрһәләләри Иранын Мүдафиә Сәнајеси Тәшкилатындакы јерли мүтәхәссисләр тәрәфиндән һәјата кечирилиб вә силаһ Иран Ислам Республикасы Ордусунун гуру гошунларына тәһвил вериләҹәк.
342/
