АБНА24 Хәбәр Верир, бу барәдә Спутник Хәбәр Аҝентлији мәлуматлы мәнбәләрә истинадла хәбәр верир. Журналистләрин әлдә етдији мәлумата ҝөрә, бу, мүхалифәт нүмајәндәләринин Саркисјанла ҝөрүшүндән сонра мәлум олуб. Гејд едәк ки, февралын 25-и Ермәнистан Силаһлы Гүввәләринин Баш Гәрарҝаһы өлкәнин Баш назири Никол Пашинјанын истефасыны тәләб едиб. Бу барәдә Ермәнистанын Баш Гәрарҝаһ рәиси Оник Гаспарјан, онун бүтүн мүавинләри, бүтүн бөјүк һәрби бирликләрин идарә рәһбәрләри вә командирләринин имзаладығы бәјанатда билдирилир. Һәрбчиләр гејд едибләр ки, Ермәнистан Баш Гәрарҝаһ рәисинин биринҹи мүавини Тиран Хачатрјанын истефаја ҝөндәрилмәси барәдә гәрарын милли вә дөвләт мараглары нәзәрә алынмадан, јалныз шәхси амбисијалара әсасланараг верилдијини һесаб едирләр. "Белә чәтин шәраитдә верилән гәрар дөвләт әлејһинә олан мәсулијјәтсиз аддымдыр", - дејә бәјанатда билдирилир. Буна ҹаваб олараг Ермәнистанын Баш назири Никол Пашинјан өлкәнин Баш Гәрарҝаһынын бәјанатыны һәрби чеврилишә ҹәһд адландырыб вә Оник Гаспарјанын тутдуғу вәзифәдән азад олунмасы барәдә гәрар вериб.
342/
