АБНА24 Хәбәр Верир, Марија Захарова билдириб ки, Русија сүлһмәрамлы миссијасынын Гарабағда биринҹи вәзифәси бөлҝәдә давамлы сүлһүн тәмин олунмасы вә нормал һәјатын бәрпа олунмасыдыр. "Ән әсасы давамлы сүлһ, инсанларын гајытмасы вә нормал һәјатын гурулмасыдыр. Бура һәлә ки, чохсајлы олан мәсәләләрин һәллинә мәрһәләли кечид дә дахилдир", – дејән Захарова әлавә едиб ки, русијалы сүлһмәрамлылар мәһз бу вәзифәни јеринә јетирирләр. Захарова һәмчинин гејд едиб ки, әразијә һәр бир бурахылыш һалыны сүлһмәрамлылар бүтүн мүнагишә тәрәфләри илә бирликдә арашдырырлар. "Әлбәттә, биз һамымыз журналистләрин дүнјанын бүтүн нөгтәләриндә ишләјә билмәсинин, һәм дә туристләрин ҝетмәсинин тәрәфдарыјыг. Лакин бәзи реаллыглар вә һамымызын һәллинә диггәтимизи ҹәлб етмәли олдуғумуз реал мәгсәд вар", - дејә Русија ХИН нүмајәндәси јекунлашдырыб.
342/
