АБНА24 Хәбәр Верир, о, белә бир суалы ортаја гојуб: Нә үчүн бәзи дахили тәрәфләр иттиһам олунурлар, һалбуки Түркијә вә ИШИД бу мәсәләдә иттиһам едилмәјибләр? Гијас Әлсурҹи Ирагын “Әләһд Нјус” информасија аҝентлији илә мүсаһибәдә дејиб: Ираг Күрдүстаны Вәтәнпәрвәрләр Бирлији базар ертәси ҝүнү ҝеҹә Әрбил һава лиманына јахын әразијә гаршы ракет һүҹуму илә бағлы һеч бир тәрәфи иттиһамландырмајыб вә тәһгигатын нәтиҹәләрини ҝөзләјир. О, сөјләјиб: Әрбилин вә онун һава лиманынын һәдәфә алынмасы писләнир вә суверенлијин позулмасы сајылыр. Әлсурҹи сонра дејиб: Бүтүн күрд партијалары, бејнәлхалг вә јерли тәшкилатлар вә күрдләр, експертләрин тәһгигатлары битмәјәнәдәк һеч бир тәрәфи иттиһам етмәмәлидирләр. Ираг Күрдүстаны иглиминин дахили ишләр назирлији чәршәнбә ахшамы ҝүнү бир бәјанатда билдирди: Јерли вахтла, базар ертәси ҝүнү ҝеҹә саат доггуз-отуз дәгигәдә Әрбил шәһәринә вә онун әтрафына бир нечә ракет атылды вә ракетләр бир нечә нөгтәјә дүшдү. ИШИД-ә гаршы бејнәлхалг коалисијанын һәрби сөзчүсү Вајн Марото да бир твитт-дә јазыб: Бу һүҹум бир америкалы подратчынын өлүмүнә вә тәхминән сәккиз-доггуз нәфәрин дә јараланмасына баис олду. Ираг Күрдүстаны иглиминин бәзи мәсул шәхсләри иддиа едибләр ки, бу ракет һүҹуму Әлһәшдушшәби гүввәләри тәрәфиндән һәјата кечирилиб. Бу мәсәлә дәрһал Әлһәшдушшәби тәрәфиндән тәкзиб олунуб. Әлһәшдушшәби тәшкилатынын Ирагын шимал меһвәриндәки сөзчүсү Әли Әлһусејни белә дејиб: Ираг Күрдүстаны Демократик Партијасынын Әлһәшдушшәби-јә гаршы иттиһамлары јаландыр; хүсусән она ҝөрә ки, һамы Барезанинин вә онун партијасынын Әлһәшдушшәби-јә гаршы күдурәтиндән хәбәрдардыр.
342/
