АБНА24 Хәбәр Верир, Иранын Атом Енержиси үзрә Бејнәлхалг Аҝентликдәки сәфири вә даими нүмајәндәси Казем Гәрибабади Вјанада дејиб ки, Иранын көнүллү аддымларынын иҹрасынын дајандырылмасы барәдәки мәктуб МАГАТЕ-нин баш директоруна тәһвил верилиб. м.к- Иран Ислам Республикасы 2021-ҹи ил февралын 23-дән әлавә протокол да дахил олмагла Теһранын нүвә анлашмасы алтындакы бүтүн көнүллү аддымларыны дајандыраҹаг вә аҝентлијин баш директорундан истәдик ки, тез бир заманда Иранын бу истәјинин јеринә јетирилмәси үчүн лазым олан тәдбирләри ҝөрсүн. Гәрибабади сонра дејиб: Бундан сонра Иран вә аҝентлијин һәмкарлыглары сырф олараг, анлашмадакы өһдәликләр әсасында давам едәҹәк. Бу һәрәкәт санксијаларын реал вә һиссолунаҹаг тәрздә ләғв едилмәсилә Иранын һәмин аддымлары бир даһа атмаға ҝери дөнмәсинә зәминин јаранаҹағы заманадәк давам едәҹәк. м.к- Әҝәр санксијалар хүсусән ики енержи саһәсиндә, јәни Иран нефтинин ихраҹаты, һәмчинин малијјә каналлары вә коммуникасија саһәләриндә реал сурәтдә арадан галдырылмазса, тәбии ки, февралын 23-дән Иранын көнүллү аддымлары дајандырылаҹагдыр. Бу аддым ганунсуз санксијаларын арадан галдырылмасы истигамәтиндә гаршы тәрәфләрин өз өһдәликләринә садиг галмамаларына ҝөрә, һәмчинин нүвә анлашмасынын 26 вә 36-ҹы маддәләри алтында Иран Ислам Республикасынын нәзәрдә тутулан һүгуглары истигамәтиндә вә Иран халгынын мәнафејини горумаг вә санксијаларын ләғви үзрә Ислами Шура Мәҹлисинин гәбул етдији ганунун иҹрасы истигамәтиндә атылыр. Иран нүмајәндәси һәмчинин мәхфилик принсипи барәдә аҝентлијә мәктубун ҝөндәрилмәсиндән хәбәр вериб вә белә дејиб: Бу мәктубда вурғуланыбдыр кИ, аҝентлик мәхфи информасијаларын горунмасында мәсулијјәт дашыјыр вә мөвҹуд дурумдакы ниҝаранчылыгларын арадан галдырыылмасы үчүн лазым олан просесләр, лајиһә вә сијасәтләрә јенидән бахмалыдыр. Иран вурғулајыбдыр ки, анлашма үзрә ҝизли мәлуматларын сыздырыылмасы сәнаје, технолоҝија вә тиҹарәт хәсарәтләринә сәбәб олур вә Иран үчүн тәһлүкәсизлик тәһдидләри илә мүшајиәт олунаҹаг.
342/
