АБНА24 Хәбәр Верир, сәнәд ҝуја Ермәнистан вә Азәрбајҹан арасында имзаланмыш, амма бәјан едилмәмиш меморандум кими тәгдим олунуб. Бунунла әлагәдар депутат Тарон Симонјан Милли Мәҹлисдә февралын 12-дә кечирилән брифингдә дејиб ки, һакимијјәт белә бир меморандумун һәгигәтдә олуб-олмамасы барәдә изаһат вермәлидир. Гејд олунур ки, меморандум олдуғу иддиа олунан сәнәд декабр ајында тәртиб едилиб вә Гарабағ вә Ермәнистанын Сјуник вилајәтинин әразиләринә аиддир. Тарон Симонјан дејиб: “Әҝәр белә бир сәнәд иҹра һакимијјәти вә ја онун һәр һансы нүмајәндәси тәрәфиндән имзаланыбса, бу тәкҹә антидөвләт, антимилли сәнәд дејил, һәм дә ганунун посулмасы илә имзаланмыш сәнәддир вә һеч бир һүгуги ҝүҹү ола билмәз”. О изаһ едиб ки, белә сәнәдләрин һүгуги гүввәјә малик олмасы үчүн онларын әввәлҹә Конститусија Мәһкәмәсинә, даһа сонра Милли Мәҹлисә тәгдим едилмәси тәләб олунур. Милләт вәкили билдириб ки, белә сәнәдләр јалныз ратификасија олундугдан сонра тәтбиг едилә биләр. Депутатлар билдирибләр ки, Азәрбајҹан вә Ермәнистан арасында имзаланмыш меморандум Ҝорус-Гафан маҝистрал јолуна аиддир. Ермәнистан баш назиринин мүавини Тигран Авинјан февралын 10-да демишди ки, өлкәләр арасында 9 нојабр вә 11 јанвар үчтәрәфли бәјанатындан башга даһа бир разылашма вар вә бу сәнәд Ҝорус-Давидбек автомобил јолуна аиддир. Февралын 12-дә һаким “Мәним аддымым” фраксијасынын нүмајәндәси Сисак Габриелјан иддиа олунан меморандумун мөвҹудлуғуну тәкзиб едиб. Лакин “Вәтәнин хиласы” һәрәкатындан баш назирлијә намизәд Вазҝен Манукјан иддиа едиб ки, үчтәрәфли бәјанатдан башга 6 маддәдән ибарәт ҝизли имзаланмыш бир сәнәд дә вар. Биз сәрһәдләримизи итиририк. Манукјан даһа сонра дејиб: Вәтәнимиз ҝөзүмүзүн гаршысында бир адам тәрәфиндәм мәһв едилир. Биз белә сатгынлығы һеч вахт ҝөрмәмишик. Рәсми Бакы һәләки бу иддиаларла бағлы һеч бир ачыглама вермәјиб.
342/
