АБНА24 Хәбәр Верир, Русија Хариҹи Ишләр Назирлијинин рәсми нүмајәндәси, Дума-нын ихтисас комитәләринин иҹласында дејиб ки, Гәрбин бу өлкәдәки ганунсуз етиразлары һимајә етмәси барәдәки сәнәдләр тезликлә бејнәлхалг тәшкилатлара вә Русијанын дүнја сәвијјәсиндәки нүмајәндәликләринә ҝөндәриләҹәк. Марија Захарова сонра дејиб: Русија Хариҹи Ишләр Назирлији бу мәлуматлары бүтүн хариҹи дилләрә тәрҹүмә етдирәрәк, бејнәлхалг тәшкилатлара вә Русијанын диҝәр өлкәләрдәки сәфирликләринә ҝөндәрәҹәк ки, актив сурәтдә дүнја иҹтимаијјәтинин диггәт мәркәзиндә дурмуш олсун. Онун сөзләринә ҝөрә, бу аддым, гәрбли тәрәфдашларла мүзакирәләрдә онларын Русјанын дахили ишләринә гарышмаларыны дәлил вә сәнәдлә сүбут едә билмәјә көмәк едәҹәк. Захарова билдириб ки, Русија Хариҹи Ишләр Назирлијинин ихтијарында авропалы дипломатларын сон ганунсуз етиразларда иштиракы илә бағлы фото-шәкил вә видео ҝөрүнтүләр мөвҹуддур. Сон заманлар Алманија, Полша вә Исвеч ејни заманда һәмин өлкәләрдә ишләјән үч рус дипломаты «арзуолунмаз шәхс» елан етдиләр вә бу аддымын өз дипломатларынын ганунсуз етиразларда иштирак етмәләри сәбәбиндән Русијадан говулмаларына ҹаваб олараг атылдығыны билдирдиләр.
342/
