АБНА24 Хәбәр Верир, Бејнәлхалг Ҹинајәт Мәһкәмәси АБШ вә Иран арасында санксијалара гәрар вермәк үчүн Нидерландын Һаага шәһәриндә бир араја ҝәлиб. 16 һакимдән ибарәт һејәтин әксәријјәти Бејнәлхалг Ҹинајәт Мәһкәмәсинин АБШ-Иран мүбаһисәсинә даир сәлаһијјәт саһиби олдуғуна гәрар вериб. Мәһкәмә дүнәнки (3 феврал) гәрарында АБШ-ын Иранын шикајәтинә гаршы етиразыны әдаләтсиз елан едәрәк рәдд етдијини елан етмишди. Мәһкәмәнин гәрарындан сонра Иранын хариҹи ишләр назири Мәһәммәд Ҹавад Зәриф сосиал медиа һесабында, АБШ-ын санксијаларына ҝөрә, Теһран рәһбәрлијинин шикајәтини әсасландыран Бејнәлхалг Ҹинајәт Мәһкәмәсинин гәрарыны һүгуги гәләбә кими шәрһ едиб: “Бејнәлхалг Ҹинајәт Мәһкәмәси АБШ-ын биртәрәфли санксијалары үзүндән Вашингтон рәһбәрлијинин шикајәтә етиразыны рәдд етди. Бу, Иран үчүн 3 октјабр 2018-ҹи илдән сонра јени һүгуги гәләбәдир. Иран һәмишә бејнәлхалг һүгуга там һөрмәт едиб. АБШ-ын бејнәлхалг һүгуга һөрмәт етмә вахты ҝәлди”. Иран 2018-ҹи илдә АБШ-ын Ирана јенидән санксија тәтбиг етмәклә 1955-ҹи ил тарихли достлуг разылашмасыны, Игтисади Илишкиләри вә Консуллуг һүгугларыны поздуғуну иддиа едәрәк, АБШ-ын биртәрәфли санксијаларындан Бејнәлхалг Әдаләт Мәһкәмәсинә шикајәт етмишди. АБШ исә, мүгавиләнин артыг етибарлылығыны итирдијини вә Иранын иттиһамларынын бунунла һеч бир әлагәси олмадығыны иддиа етмишди.
342/
