АБНА24 Хәбәр Верир, Полша Республикасы Шенҝен зонасында вә Авропа Иттифагында алтынҹы игтисади гүдрәтдир. Амма бәлкә дә инандырыҹы олмасын ки, бу өлкәнин халгы һәлә дә өз евини иситмәк үчүн даш көмүрдән истифадә едир. Һәмин јанаҹагдан ирәли ҝәлән чиркләнмә илдә 52 мин нәфәрин ҹаныны алыр. Полша Институтундан олан еколог доктор Паул Озјани дејир: м.к- Һава сојујан кими, онун тәзјиги ашағы дүшүр. Инсанлар даш көмүр печләрини јандырырлар. Күләк олмајанда бу ири һәҹмдә гара түстү сабит галыр вә тәнәффүсү чәтинләшдирир. Авропа Еколоҝија Аҝентлијинин хәритәсиндә Полша һава чиркләнмәси бахымындан тәһлүкәли дурумда олан вә бәнөвшәји рәнҝлә мүәјјән едилмиш бир нечә өлкәдән биридир. Полшада һаванын вә әтраф мүһитин чиркләнмәси амилләриндән бири әһалинин даш көмүрлә ишләјән гыздырыҹылардан истифадә етмәсидир. Бу мәсәлә совет дөврүндән мөвҹуд олуб вә һәлә дә гүввәдә галмагдадыр. м.к- Бу мәһәлләдә һәм јени, һәм дә көһнә евләр вар. Инсанлар уҹуз енержи кими даш көмүрү илә ишләјән печләрдән истифадә едирләр. Даһа тәһлүкәли проблем будур ки, инсанлар даш көмүр тапмајанда зибилдән јанаҹаг кими истифадә едирләр.
342/
