АБНА24 Хәбәр Верир, Иран Ислам Республикасынын хариҹи ишләр назири Мәһәммәд Ҹавад зәриф базар ҝүну ҝеҹә саатларында Бакыја дахил оларкән, бу сәфәрин әсас мөвзусунун Теһран үчүн чох бөјүк әһәмијјәт дашыјан реҝионал әмәкдашлығын мүзакирәси олдуғуну вурғулајараг, дејиб: "Иран Ислам Республикасы илә чох јахшы вә икитәрәфли мүнасибәтләрә саһиб олан бу өлкәләрлә реҝионал әмәкдашлығы мүзакирә етмәк, бу сәфәрин ән мүһүм һәдәфләриндәндир". О, әлавә едиб: "Дағлыг Гарабағдакы вәзијјәт, әмәкдашлыг вә азад олунмуш әразиләрдә јенидәнгурма, еләҹә дә тәһлүкәсизлик мәсәләләри вә бу реҝионда сабитлијин горунмасы Азәрбајҹан Республикасы вә реҝионун диҝәр өлкәләринин рәсмиләри илә ҝөрүшләрдә мүзакирә олунаҹаг". Иран Ислам Республикасынын хариҹи ишләр назиринин сөзләринә ҝөрә, сәфәр чәрчивәсиндә, транзит мәсәләләри вә Шимал-Ҹәнуб вә Ҹәнуб-Гәрб дәһлизләринин тамамланмасы илә бағлы данышыглар олаҹаг. Зәриф азәрбајҹанлы мәҹбури гачгынларын азад едилмиш доғма торпагларына гајытмасына да мүнасибәт билдириб. Гејд едиб ки, бу мәсәлә дә данышыглар масасында мүзакирә едиләҹәк Иран Ислам Республикасынын хариҹи ишләр назири Мәһәммәд Ҹавад зәриф бу ҝүн Азәрбајҹан Республикасы президенти Илһам Әлијев, азәрбајҹанлы һәмкары Ҹејһун Бајрамов вә бу өлкәнин баш назиринин мүавини Шаһин Мустафајевлә ҝөрүшүб, фикир мүбадиләси апараҹаг. Данышыглар битдикдән сонра, Русија рәсмиләри илә ҝөрүшмәк мәгсәдилә Бакыны Москва истигамәтиндә тәрк едәҹәк.
342/
