АБНА24 Хәбәр Верир, Ирагдакы ганунсуз әл-Вәлид кечиди илә Суријаја дахил олан бу карван Суријанын шимал-шәргиндәки Һәсәкәһ вилајәтиндә јерләшән Америка һәрби базаларына доғру һәрәкәт етмәкдәдир. Бундан әввәл дә АБШ бир нечә дәфә Ираг васитәсилә Сурија әразисинә силаһ, һәмчинин мадди-техники вә ағыр техника көчүрүбдүр. Америка вә мүттәфигләри террор груплары илә мүбаризә бәһанәси илә ганунсуз шәкилдә, јәни Сурија һөкумәтинин иҹазәси олмадан бу өлкәдә һәрби иштирака маликдирләр. Белә бир һалда, АБШ президенти Доналд Трамп өз президентлик дөврүнүн әввәлиндә Суријадакы террор груплашмаларынын, о ҹүмләдән ИШИД-ин јарадылмасында Американын әсас амил олдуғуну етираф етмишди. Рәсми мәлуматлара ҝөрә, Америка индијәдәк милјардларла доллар дәјәриндә силаһ вә һәрби техниканы Сурија вә Ирагда јерләшән террорчуларын сәрәнҹамына верибдир. Рәсми Дәмәшг АБШ-ын вә мүттәфигләринин Суријадакы әмәлләринин "ишғал" мәнасына ҝәлдијини дәфәләрлә вурғулајыбдыр.
342/
