АБНА24 Хәбәр Верир, АБШ Сенатынын кечирдији сәсврмәдә 81 сенатор Трампын ветосунун ләғв едилмәсинә сәс вериб, 13 сенатор исә ону дәстәкләјиб; беләликлә дә Сенат Трампын ветосуну ләғв етмәк үчүн лазым олан үчдә ики сәс чохлуғуну әлдә едиб. Бундан әввәл АБШ-ын Нүмајәндәләр Палатасы да бир сәсвермәдә Трампын мүдафиә бүдҹәсинә гојдуғу ветону ләғв едиб. Америка ганунвериҹилијинә ҝөрә, өлкә президенти вето илә бир лајиһәнин вә ја гәрарын гануна чеврилмәсинә мане ола биләр, лакин Конгресин һәр ики палатасынын үзвләринин үчдә ики сәси ветону ләғв етмәјә јетәр. Трампын ветосунун лғәв едилмәси илә Ағ Евдә олдуғу мүддәтинин сон ҝүнләриндә онун үчүн нөвбәти бир сијаси мәғлубијјәт гејдә алынды. Трамп кечән ил декабрын 23-дә АБШ Конгресинин һәр ики палатасынын тәсдигләдији 740 милјард долларлыг бүдҹә лајиһәсинә вето гојуб. Трамп гејд олунан лајиһәнин бир нечә бәнди, о ҹүмләдән Америкада гулдарлыг дөврү ҝенералларынын адларынын гојулдуғу һәрби базаларын адларыны дәјишдирмәјә чағыран бәнд илә мүхалифдир. Америкада гулдарлыг дөврүндәки ҝенералларын адларынын гојулдуғу һәрби базаларын адлары сон заманлар полис зоракылығына вә ирги ајры-сечкилијә гаршы дахили етиразлар вә нүмајишләрин јүксәлмәсилә диггәт мәркәзинә алыныбдыр. Трамп Америкада ағдәрилиләрин ирги үстүнлүјүнүн тәрәфдары олан групларын әсас һимајәдарларындан биридир.
342/
