АБНА24 Хәбәр Верир, нүмајәндә һејәтинә Түркијә Силаһлы Гүввәләринин Баш Гәрарҝаһ рәиси Јашар Ҝүлер, Түркијә Республикасынын Гуру Гошунлары команданы Үмит Дүндар вә Түркијә Республикасынын Һәрби Дәниз Гүввәләри команданы Аднан Өзбал дахилдир. Ҝөрүшдә Азәрбајҹан Республикасы президенти Јени ил мүнасибәтилә Түркијә һөкумәти вә халгыны тәбрик едиб вә икинҹи Гарабағ мүһарибәси заманы Азәрбајҹана ҝөстәрдикләри дәстәјә ҝөрә, тәшәккүр едиб. "Мүһарибә заманы бу бөјүк сијаси вә мәнәви дәстәк бизә әлавә ҝүҹ верди, бүтүн дүнја бир даһа ҝөрдү ки, Түркијә-Азәрбајҹан бирлији, гардашлығы сарсылмаздыр, әбәдидир вә бүтүн ҝүнләрдә - хош ҝүнләрдә, ағыр ҝүнләрдә биз бир-биримизин јанындајыг", - дејә И.Әлијев әлавә едиб. Азәрбајҹан президенти, һәмчинин бу илин Азәрбајҹан үчүн хүсуси әһәмијјәт дашыдығыны бәјан едәрәк, дејиб: "Узун илләрин ишғалына сон гојулду, Азәрбајҹан өз әрази бүтөвлүјүнү бәрпа етди, Биз шәһидләрин руһу гаршысында анд ичмишик ки, дағыдылмыш бөлҝәләри бәрпа едәҹәјик. Артыг бәрпа ишләри башланыб, илкин контрактлар имзаланыб вә инфраструктур лајиһәләрдә, о ҹүмләдән, Фүзули-Шуша автомобил јолунун тикинтисиндә түрк ширкәтләри Азәрбајҹан ширкәтләри илә бирликдә фәалијјәт ҝөстәрирләр. Бүтүн башга лајиһәләрдә түрк ширкәтләринин фәалијјәти артыг тәсдиг едилиб, о ҹүмләдән Кәлбәҹәрә чәкиләҹәк јени јол, тунелләр вә диҝәр инфраструктур лајиһәләри иҹра едиләҹәк. Тезликлә биз бу бөлҝәләрә һәјат гајтармалыјыг”. Түркијәнин милли мүдафиә назири Һулуси Акарда бу ҝөрүшдә дејиб: "Гарабағ Зәфәринин һәгигәтән Гафгазын тарихиндә чох өнәмли јери вар. Бу, һәм Түркијә-Азәрбајҹан әлагәләри бахымындан дөнүш нөгтәси олду, һәм дә Гафгазын ҝәләҹәји бахымындан һәгигәтән чох өнәмли бир аддым олду". Назир сонра дејиб: “Иншаллаһ, ән гыса вахтда Ортаг Мәркәзин фәалијјәтә башламасындан сонра Нахчыван илә Зәнҝилан арасында коммуникасија хәтти гурулаҹаг ки, бу да Түркијәнин, Нахчыванын вә Азәрбајҹанын физики олараг бир-биринә бағланмасы бахымындан чох өнәмлидир”.
342/
