АБНА24 Хәбәр Верир, Иран вә Азәрбајҹан Республикасы арасындакы мүзакирәләрин үчүнҹү раундунда Иранын Тиҹарәтин Инкишафы Тәшкилатынын вә Азәрбајҹан Республикасынын игтисадијјат назирлијинин мүхтәлиф секторларынын, һәмчинин ики өлкәнин хариҹи ишләр назирликләринин нүмајәндәләри мүгавилә мәтнини, еләҹә дә азәри тәрәфин тәклиф етдији мәншә гајдаларынын мәтнини нәзәрдән кечирибләр. Иран вә Азәрбајҹан Республикасынын сијаси лидерләринин икитәрәфли игтисади мүнасибәтләрин инкишаф етдирилмәсилә бағлы јүксәк ирадәсилә бир истигамәтдә, үстүнлүк верилән тиҹарәт мүгавиләсинин мәтни үзәриндәки илкин мүзакирәләр ирәлиләјишлә мүшајиәт олунуб вә тәрәфләр тәклиф олунан мәтн вә әлагәдар мүлаһизәләр үзәриндә разылыға ҝәлибләр. Үстүнлүк верилән тиҹарәт мүгавиләсинин имзаланмасы вә Иран илә Азәрбајҹан Республикасы арасында мүзакиәрләрин апарылмасы һагда разылашма, Иран Ислам Республикасы президентинин Гошулмама Һәрәкатынын саммитиндә иштирак мәгсәдилә өтән ил Бакыја олмуш сәфәринин кәнарында әлдә олунубдур.
342
