АБНА24 Хәбәр Верир, АБШ-ын президенти Доналд Трампын сионист журналистин шәһид Мөһсүн Фәхризадәнин өлдүрүлмәси илә бағлы твитини јенидән јајымламасындан сонра, сионист режимин медиасы онун һәрәкәтини месаж кими гәбул едиб. Сионист медиасына истинадән Ливанын Әл-Мәјадин хәбәр шәбәкәси бу барәдә јајдығы мәлуматда бунлары гејд едиб: “Президент Трампын твитиндән ајдын олур ки, Фәхризадәјә гаршы едилән суи-гәсд әмәлијјаты АБШ вә Исраил режиминин бирҝә әмәлијјаты ола биләр”. Сионист журналист Јосси Миллман шәһид Фәхризадәнин террор едилмәсиндән сонра, өзүнүн Тwиттер сәһифәсиндә инҝилис дилиндә бу гәтлин Ирана психоложи вә техники зәрбә олдуғуну јазмышды. АБШ-ын президенти исә, һәмин твити јенидән пајлашмышды. Сионист медиасында, һәмчинин бунлар гејд олунуб: “Иранын нүвә програмында, һамысы Фәхризадәнин тәләбәләри олан минләрлә мүһәндис вә техник вар вә онларын инкишаф јолу әввәлҹәдән мүәјјәнләшдирилмишдир. Бу сәбәбдән белә әмәлијјатлара бахмајараг, програм һәмин алим олмадан инкишаф едәҹәк”. Медиа Нју-Јорк Тајмс гәзетинә истинадән исә бунлары гејд едиб: “Бир саат әввәл Америка гәзети шәһид Фәхризадәнин гәтлинин архасында сионист режимин дајандығыны ачыглајан үч мәнбәјә истинад едиб”. “Једиотһ Аһронотһ” гәзети, Бенјамин Нетанјаһунун суи-гәсддән сонра сөјләдикләринә дә тохунараг, бунлары гејд едиб: “Исраил режиминин баш назиринин сөзләри, режимин Теһран јахынлығында өлдүрүлән иранлы нүвә алими доктор Мөһсүн Фәхризадәнин гәтлиндә иштиракынын нәтиҹәси ола биләр”. Нетанјаһу һәфтәлик ишинин видеосуну Телеҝрам каналында медиаја пајлашымында бунлары гејд етмишди: “Бу һәфтә етдијим ишләрин сијаһысыны сизинлә бөлүшмәк истәјирәм, анҹаг кичик бир сијаһыдыр вә сизә бу барәдә һамысыны данышмаг истәмирәм. Садәҹә сизә демәк истәјирәм ки, Јахын Шәргдә бир шеј олду вә бизи ҝәрҝин бир дөвр ҝөзләјир. Хош шәнбә ҝүнү диләјирәм”.
342/
