АБНА24 Хәбәр Верир, Иран Хариҹи Ишләр Назирлијинин мәтбуат катиби Сәид Хәтибзадә АБШ-ын Әфганыстандан чыхаркән, бу өлкәдәни јенидән мүһарибә вә ган төкүлмәсинә сүрүкләмәк үчүн сәј ҝөстәрдијини бәјан едәрәк, әлавә едиб: "АБШ Әфганыстана тәҹавүз етмиш бир өлкә олараг, бејнәлхалг һүгуг нормаларына риајәт етмәк вә бөлҝәдән чыхаркән, Әфганыстанын ҝәләҹәјинә јанмыш бир торпаг тәһвил вермәмәк үчүн мәсулијјәт дашыјыр". Иран Хариҹи Ишләр Назирлијинин мәтбуат катиби һазырда Ағ Евдәки режимин ҝизли сөвдәләшмәләрлә Әфганыстанын ҝәләҹәјини мәһв етмәк үчүн әлиндән ҝәләни етдијини билдирәрәк, дејиб: "Иран Ислам Республикасы Әфганыстанын мөвҹуд гурулушлары, азлыгларын вә динләрин һүгуглары вә бу өлкә халгынын чәтинликлә газандыгларынын горунмасы истигамәтиндә сәј ҝөстәрир". Хәтибзадә бүтүн әфган тәрәфләринин вә бүтүн групларын бир-бирләри илә тамамилә әфганларарасы бир просес чәрчивәсиндә данышыглар апармағы баҹармалы олдугларыны вурғулајыб вә дејиб: "Иран Ислам Республикасы әфганларарасы диалогун нәтиҹә вермәси вә давамлы сүлһүн бәргәрар олунмасы үчүн һәр ҹүр сәј ҝөстәрәҹәкдир". Иран Ислам Республикасы, реҝион вә дүнјада нүфузлу өлкәләрдән бири олараг, һәмишә реҝионал бөһранлары, о ҹүмләдән Әфганыстандакы бөһраны диалог вә сијаси јолла һәлл етмәјә чалышыбдыр. Иран Ислам Республикасы рәсмиләри һәр заман Иранын Әфганыстандакы сәјләринин Әфганыстан дахилиндә бу өлкә һөкумәти тәрәфиндән тәһлүкәсизлик вә сабитлијин јарадылмасына јөнәлмиш олдуғуну вә Теһранын бунун үчүн сәјләрини әсирҝәмәјәҹәјини билдирибләр..
342/
