АБНА24 Хәбәр Верир, БМТ-нин Сүлһмәрамлы Әмәлијјатлар Департаментинин рәсми нүмајәндәси ачыглајыб ки, БМТ Әразиләринин Миналардан Тәмизләнмәси Хидмәти (ӘМТХ) декабр ајынын әввәлләриндә тәҹили олараг хүсуси бир миссијанын јерләшдирилмәси үчүн Дағлыг Гарабағда лазыми јардымы гијмәтләндирмәјә башламағы планлашдырыр. БМТ рәсмиси гејд едиб ки, ӘМТХ тәмсил етдији гурумун диҝәр офисләри вә јерләрдәки өлкә тәмсилчиләри илә координасија едиләрәк, бир миссијанын Дағлыг Гарабағда тәҹили јерләшдирилмәси үзәриндә ишләјир: “Чох ҝүман ки, лазыми јардымын гијмәтләндирилмәси декабрын әввәлиндә башлајаҹаг”. Бундан әлавә, БМТ Баш катибин нүмајәндәси бир ачыгламасында билдириб ки, “БМТ Дағлыг Гарабағда һуманитар еһтијаҹлары гијмәтләндирмәк үчүн Русија Федерасијасы илә бирликдә ишләмәјә һазырдыр”. Хатырладаг ки, бундан әввәл Русија Хариҹи Ишләр назири Серҝеј Лавров өлкәсинин БМТ-нин Гарабағдакы һуманитар проблемләрин һәллиндә мараглы олмасыны дәстәкләдијини сөјләјиб.
342/
