АБНА24 Хәбәр Верир, Доналд Трамп твиттер-дә гојдуғу месажда өзүнүн бу јүрүшдә иштирак етмәси еһтималындан хәбәр вермишди. Трампын екстремист һимајәдарларынын Америка президент сечкиләринин нәтиҹәләринә етираз олараг кечирдикләри аксија, “милјонлуг “Американы бир даһа али ет!”” јүрүшү адландырылыб. Јүрүш пајтахт Вашингтон шәһәринин мәркәзиндән Америка али мәһкәмәсинәдәк олан мәсафәдә кечирилиб. Әксәр һиссәси силаһлы олан «Ифтихарлы оғланлар», «Вашингтону оғурламағы дајандырын!» вә «Мүгавиләни горујанлар» кими сағ радикал груплар бу аксијада иштирака һазыр олдугларыны билдирмишдиләр. Трамп Америка президент сечкиләриндә сәсләрин сајылышында сахтакарлыг вә мүдахиләнин олдуғуну иддиа едиб. Мәһкәмә вә штат рәсмиләри исә бу иддианы гәбул етмәјибләр. Американын сабиг президенти Барак Обама да Америка президент сечкиләриндә сахтакарлыг барәдәки иддиалары әсассыз вә Ҹо Бајдени Американын нөвбәти президенти адландырыб. Трампын демократ рәгиби Бајденин үмуми вә електрал сәсләрдә өндә ҝетмәсинә рәғмән, Трамп һәлә үч нојабр Америка президент сечкиләриндәки мәғлубијјәтини гәбул етмәјибдир.
342/
