АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһулүзма Хаменеи сосиал шәбәкәләрдә франсыз дилиндә јајылан, Франса ҝәнҹләринә хитабән үнванладығы мүраҹиәтдә бујурублар: "Президентиниздән сорушун нијә илаһи пејғымбәринә едилән һөрмәтсизлији дәстәкләјир вә онун ифадә азадлығы кими дәјәрләндирир? Ифадә азадлығы будурму? налајиг ифадәләр вә һөрмәтсизлик, өзүдә мүгәддәс вә нурлу сималара гаршы? Бу ахмагҹасына һәрәкәт ону президентлијә сечән халгын шүуруна һөрмәтсизлик дејилми"? "Диҝәр бир суал будур; Нијә Һолокоста шүбһә илә јанашмаг ҹинајәт сајылыр вә бу һагда бир шеј јазанлар һәбс едилмәлидирләр, Лакин Пејғәмбәрә һөрмәтсизлик азаддыр", - дејә Ислам Ингилабынын Бөјүк Рәһбәри әлавә едибләр. Бу јахынларда Франсанын Шарли Ебдо нәшри Ислам Пејғәмбәри (с.ә.с) һаггында тәһгирамиз карикатуралары бир даһа нәшр едиб. Франса президенти Еммануел Макрон да дипломатик нормалары вә демократија принсипләринә зидд олан бир ачыгламада, өлкәсинин Ислам пејғәмбәринә гаршы тәһгирамиз тәсвирләри давамлы нәшр едәҹәјини сөјләјиб. Бир чох Ислам вә әрәб өлкәләри дә Франсада әзиз Ислам пејғәмбәри (с) һаггында тәһгирамиз карикатураларын нәшр едилмәси вә Макронун ону дәстәкләмәсинә етираз олраг, аксија кечирәрәк вә халг һәрәкатларына башлајараг, Франса малларыны бојкот етмәјә чағырыб, өз һиддәт вә нараһатлыгларыны нүмајиш етдирибләр.
342/
