АБНА24 Хәбәр Верир, Азәрбајҹан Республикасы президенти Илһам Әлијев бу барәдә “Франҹе 24” телевизија каналына мүсаһибәсиндә атәшкәс режиминин позулмасы илә бағлы суала ҹавабында билдириб. Азәрбајҹан Дөвләт башчысы Ермәнистан тәрәфинин һәмишә просеси позмаға вә данышыглар масасына јени јанашмалары тәтбиг етмәјә чалышдығыны вурғулајаг дејиб: "Бунлар бизим тәрәфимиздән вә Минск групунун һәмсәдрләри тәрәфиндән рәдд едилмишдир. Диҝәр мәсәләләрлә бирликдә бәјаннамәнин ән мүһүм һиссәси ондан ибарәтдир ки, данышыгларын форматы дәјишмәз олараг галаҹаг. Бу, чох өнәмлидир. Ола билсин, бунун ҝениш бејнәлхалг аудиторија үчүн нә анлам дашымасы о гәдәр ајдын дејил. Мән, әлбәттә, бу барәдә даһа әтрафлы мәлумат верәҹәјәм. Чүнки Ермәнистанда јени һөкумәт һакимијјәтә ҝәләндән сонра сон ики ил әрзиндә фәалијјәтләриндән бири гондарма “Дағлыг Гарабағ республикасынын һөкумәтини” данышыглар масасына ҹәлб етмәк вә беләликлә дә данышыгларын форматыны дәјишмәк иди. Чүнки ијирми илдән артыгдыр ки, данышыглар Минск групу просеси чәрчивәсиндә Ермәнистан вә Азәрбајҹан арасында апарылыр. Одур ки, гондарма “Дағлыг Гарабағ республикасы һөкумәтини” данышыглара ҹәлб етмәк сәјләри форматы дәјишдирмәк ҹәһдләри иди. Беләликлә, һәр ики тәрәф форматын дәјишмәз олараг галмасына садиг галдыгда, бу, һәр шејин әввәлләр разылашдырылмыш чәрчивәдә олаҹағы демәкдир". Илһам Әлијев гејд едиб: "Азәрбајҹан атәшкәс режиминә әмәл едир, Лакин билдијиниз кими, Ермәнистан атәшкәси кобуд шәкилдә позду вә бу, тәкҹә Ҝәнҹәдә баш вермәјиб. Ҝәнҹәдә мүлки вәтәндашлара һүҹум онларын тәҹавүзкар сијасәтини әкс етдирир. Һәмчинин онлар атәшкәси һәр ҝүн позурлар. Бу ҝүн мәнә мәлумат верилмишдир ки, бу сәһәр саат 7-дән 9-а гәдәр онлар Тәртәр вә Ағдам шәһәрләрини 150 дәфәдән чох артиллерија атәшинә тутублар".
342/
