АБНА24 Хәбәр Верир, Әфганыстан ордусунун бу ики вертолјоту чәршәнбә ахшамы ҝүнү ҝеҹә Һелмәнд вилајәтинин Навә рајонунда тоггушубдур. Нәтиҹәдә азы он беш әфган һәрбчи өлүб, бир груп һәрбчи дә јараланыбдыр. Белә бир һалда, Һелмәнд вилајәтинин бәзи бөлҝәләриндә һөкумәт гүввәләри илә Талибан гүввәләри арасында кәскин дөјүшләр давам етмәкдәдир. Һелмәнд тоггушмалары сон үч ҝүндә мисли ҝөрүнмәмиш тәрздә шиддәтләнибдир вә Талибан Ләшкәргаһ шәһәринин дөрдүнҹү тәһлүкәсизлик даирәсини вә Навә вә Надәли рајонларында бәзи диҝәр постлары әлә кечирә билибдир. Бу тоггушмалардакы тәләфат барәдә дәгиг статистика верилмәјибдир, амма Әфганыстан дахили ишләр назирлији бундан өнҹә билдирмишди ки, Навә вә Нәһр-Сәраҹ рајонларында сәксәндән чох Талибан үзвү өлдүрүлүбдүр. Дөјүшләр елә бир һалда давам едир ки, Әфганыстан һөкумәти илә Талибанын сүлһ данышыглары апаран нүмајәндә һејәтләри он ики ҝүн фасиләдән сонра чәршәнбә ахшамы ҝүнү Доһада өз мүзакирәләрини бәрпа едибләр. Мәркәзи/ Ләшкәрҝаһ шәһәри олан Һелмәнд вилајәти Әфганыстанын ҹәнубундакы тәһлүкәли вилајәтләрдән һесаб олунур.
342/
