АБНА24 Хәбәр Верир, Сәид Хәтибзадә дејиб ки, Иран Азәрбајҹан Республикасы илә Ермәнистан арасында ҝедән мүһарибәнин тез бир заманда битмәси үчүн бир план һазырлајыбдыр. Хәтибзадә бу ҝүн бир мәтбуат конфрансында Азәрбајҹан Республикасы илә Ермәнистан арасында ҝедән мүһарибә барәдә сонра белә дејиб: Иран дөјүшән ики тәрәф вә диҝәр реҝионал тәрәфләр дә дахил олмагла бу мәсәлә илә бағлы бүтүн тәрәфләр вә активистләрлә јахшы мүнасибәтләрә малик олан аз сајда фәаллардан биридир. «Гарабағ мүнагишәсинин һәрби һәлл јолу јохдур»- дејә Иран Хариҹи Ишләр Назирлијинин рәсми нүмајәндәси вурғулајыб. О, дејиб: Иранын Гарабағ мүнагишәсинин һәлли үзрә планы, Азәрбајҹан Республикасынын әрази бүтөвлүјүнүн горунмасы чәрчивәсиндә һәрби гүввәләрин чыхмасы вә мүзакирәләрин башланмасыдыр. «Һамы бу дөјүшләрин аловунун сөнмәсинә көмәк етмәлидир» дејән Иран Хариҹи Ишләр Назирлијинин сөзчүсү вурғулајыб: Иран шимал-гәрб сәрһәдләринин олајларыны һәссаслыг вә диггәт, һәмчинин бу мәсәлә илә бағлы бүтүн тәрәфләрлә јахын әлагә сахламагла нәзәратдә сахлајыр. Азәрбајҹан Республикасы илә Ермәнистан Гарабағ бөлҝәси барәдә бир-бириләрилә ихтилафа маликдирләр. Ики өлкәнин Гарабағ үстүндәки мүнагишәси 1988-ҹи илдә башланыб. Бу дөјүшләрин јени мәрһәләси сентјабрын 27-дә башланыб вә индијәдәк һәр ики тәрәфин һәрби гүввәләриндән бир груп инсан өлүб вә ја јараланыбдыр.
342/
