АБНА24 Хәбәр Верир, Ағ Ев ҹүмә ҝүнү Трампын бир нечә ҝүн "Wалтер Реед" һәрби һоспиталда мүалиҹә алаҹағыны билдириб. Ағ Ев, һәмчинин Трампын президент сәлаһијјәтләрини көмәкчиси Мајк Пенсә өтүрмәк нијјәтиндә олмадығыны вә хәстәлијә рәғмән бүтүн сәлаһијјәтләрини өзүнүн јеринә јетирәҹәјини гејд едиб. Трампын "Wалтер Реед" һәрби һоспитала көчүрүлмәси верталјот васитәсилә һәјата кечирилиб. Ағ Евин һәкими дә Трампын ҹүмә ҝүнү сәһәр саатларындан гыздырмасынын олдуғуну вә Коронавирусун јүнҝүл симптомларындан әзијјәт чәкдијини ачыглајыб. Ејни заманда һәкимләр 74 јашлы Трампын коронавируса јолухмасынын јашынын вә нисбәтән чәкисинин јүксәк олдуғу үчүн рискли ола биләҹәјини сөјләјибләр. АБШ президенти Доналд Трамп јерли вахтла ҹүмә ахшамы ҝүнү бир твиттдә өзүнүн вә һәјат јолдашынын коронавируса јолухдуғуну билдириб. Трамп бир нечә саат әввәл дә Твиттердә көмәкчиләриндән "Һопе Һиҹкс"ин коронавирус тестинин мүсбәт олдуғуну билдириб. АБШ коронавируса јолухма вә бу вирусдан өлүм һалларына ҝөрә, дүнјада биринҹидир. Диҝәр өлкәләрдән даһа ҝеҹ коронавирус тестләринә башламыш АБШ һазырда коронавируса јолуханларын сајынын чох олдуғу үчүн тест дәстләри вә тибби ләвазиматларын чатышмазлығы илә үзләшиб. АБШ һөкумәти вә хүсусилә бу өлкә президенти Доналд Трамп, АБШ-да коронавирусун јајылмасы гаршысында мәсулијјәтсиз даврандығы үчүн кәскин шәкилдә тәнгид олунуб.
342/
