АБНА24 Хәбәр Верир, Ливан Һизбуллаһынын баш катиби дүнән бир чыхышда америкалы террорчуларын Ислам Ингилабы Кешикчиләри Корпусунун Гүдс гүввәләринин команданы шәһид пасдар Һаҹ Гасем Солејманини вә Ирагын халг сәфәрбәр тәшкилаты- Һәшдушшәбинин сәдр мүавини Әбу Мәһди Әлмуһәндиси шәһид етмәкдә мәгсәдләрини, террорчу ИШИД групуну бәрпа етмәк адландырыб. Сејјид Һәсән Нәсруллаһ билдириб ки, Америка шәһидләр Солејмани вә Әлмуһәндисин террору әмәлијјатындан сонра ИШИД террор групуну бәрпа етмәјә башлајыбдыр. О, дејиб: Американын ИШИД-и јенидән бәрпа етмәкдә мәгсәди, өз гүввәләринин реҝионда иштиракынын давам етмәсини әсасландырмагдыр. Сејјид Һәсән Нәсруллаһ һәмчинин Бәһрејн вә әмирликләр кими бәзи әрәб режимләринин сионист режимлә мүнасибәтләрини адиләшдирмәләринә ишарә едиб. Билдириб ки, халглар һөкумәтләрин бу гәрарыны мүшајиәт етмәјәҹәкләр. Нәсруллаһ һабелә Тунис вә Әлҹәзаирин сионист режимлә мүнасибәтләрин адиләшдирилмәсини гәбул етмәмәк үзрә мөвгеләрини јүксәк гијмәтләндириб вә белә сөјләјиб: Мүнасибәтләри адиләшдирмәјә үз тутмуш кәсләр тезликлә баша дүшәҹәкләр ки, һесабламалары јанлышдыр вә ҝәләҹәк бу мәсәләни сүбут едәҹәкдир.
342/
