АБНА24 Хәбәр Верир, бу барәдә "Известија" гәзетинә Аналитик Кредит Рејтинг Аҝентлијинин (АКРА) рәһбәри, Русија Мәркәзи Банкынын сәдринин кечмиш мүавини Михаил Сухов дејиб. "Банкларын чоху ҝәлирлилијини итирир, коронавирус бөһраны вә фаиз ендирими бу тенденсијаны стимуллашдырыб", - дејә М. Сухов билдириб. Онун сөзләринә ҝөрә, банкларын сәһмдарлары вә саһибләри өзләри дә зәрәрли бир банкын горујуб-сахланмасынын перспективсиз бир ишин вә лисензијаны тәһвил вермәјин даһа јахшы олдуғуну анлајырлар ки, өлкәдәки белә банкларын сајы 30-33 ола биләр. Даһа 10 вә ја бундан чох тәшкилат исә консолидасијаја ҝедәҹәк. Галанлары исә лисензијаларыны ләғв едәҹәк. М. Сухов бүтүн һалларда бунларын бүтөвлүкдә секторун етибарлылығы үчүн проблем јарада билмәјән кичик банкларын олаҹағыны вурғулајыб. Гејд едәк ки, "Експерт РА" рејтинг аҝентлијинин бу илин март ајында вердији прогноза ҝөрә, 2020-ҹи илдә Русијада 38 банк бағлана биләр. 2018-ҹи илдә өлкәдә фәалијјәт ҝөстәрән 57 банкын лисензијасы ҝери чағырылыб. Хатырладаг ки, бу илин әввәлинә Русијада фәалијјәт ҝөстәрән банкларын сајы 442-јә бәрабәр олуб. Бу, 2019-ҹу иллә мүгајисәдә 42 ваһид аздыр.
342/
