АБНА24 Хәбәр Верир, бу барәдә Ираг парламентинин депутатларындан Әбдүл Әмир Тәибан хәбәр вериб. Ираг парламентиндә "Садегун" фраксијасынын нүмајәндәси Әбдүл-Әмир Тәибан дејиб: "Әрәбистан, Бирләшмиш Әрәб Әмирликләри вә сионист режим "Зигар" вилајәтинин мәркәзиндә јерләшән Насиријјә шәһәриндәки бәзи фәаллара бу шәһәрдә ҝәрҝинлик вә иғтишаш јаратмаг, шәһәри хаоса сүрүкләмәк үчүн дәстәк верирләр". Тәибан Насиријјә шәһәриндә баш верән һадисәләрин вә Сәудијјә вә Әмирлик мәһбусларынын сахланылдығы "Әл-Һут" һәбсханасынын мөвҹудлуғунун, бөлҝәдә нараһатлыг јаратдығыны билдириб вә әлавә едиб: "Әрәбистан, Бирләшмиш Әрәб Әмирликләри вә сионист режимә бағлы олан үнсүрләр Зигар шәһәриндәки иғтишашчылара пул ҝөндәрәрәк, онлары дәстәкләјирләр. Ирагын мүхтәлиф шәһәрләри, хүсусилә Бағдад, Бәсрә вә Насиријјә сон ајларда ишсизлик вә јохсуллуға гаршы етираз аксијаларынын шаһидидир.
342/
