АБНА24 Хәбәр Верир, Доналд Трамп Теһран вахты илә чәршәнбә ахшамы ҝүнү ҝеҹә БМТ Баш Ассамблејасынын 75-ҹи сессијасында видеоформатда етдији чыхышында бир даһа Чинин коронавирусун јајылмасында мәсулијјәт дашыдығыны билдириб. Дејиб ки, Америка Чин вирусу кими ҝөзә ҝөрүнмәз бир дүшмәнлә мүбаризә апармагдадыр. Чинин коронавирусун јајылмасы амили олан бир өлкә кими ҹаваб вермәли олмасына ишарә едән Трамп дејиб ки, БМТ Пекини сорғу-суала чәкмәлидир. Трамп сонра һәмчинин иддиа едибдир ки, Иранла чох пис нүвә анлашмасындан чыхыб вә Теһрана гаршы ифлиҹедиҹи санксијалар тәтбиг едибдир. Трампын нүвә анлашмасына гаршы сөзләри елә бир шәраитдә сөјләнир ки, БМТ Тәһлүкәсизлик Шурасынын үзвләри гәтијјәтлә бу анлашманы һимајә вә Американын бејнәлхалг гајдалара гаршы чыхан биртәрәфли һәрәкәтләрилә кәскин тәрздә мүхалифәт едибләр. Америка президенти Ислам Ингилабы Кешикчиләри Корпусунун Гүдс гүввәләринин команданы шәһид ҝенерал-лејтенант пасдар Һаҹ Гасем Солемјанијә гаршы әсассыз иддиалары тәкрар едәрәк, Вашингтонун ҝенерал Солејманини террор етмәк үзрә алчаг вә инсан һагларына зидд һәрәкәтини өз һөкумәтинин ифтихарларындан сајыбдыр. Трамп һәмчинин бәзи әрәб өлкәләринин сионист режимлә мүнасибәтләринин адиләшдирилмәси һагда иддиа едибдир ки, тезликлә диҝәр өлкәләр сионист режимлә сазиш просесинә гошулаҹаглар. АБШ президенти Доналд Трампын әмирликләрлә сионист режим арасында әлагәләрин адиләшдирилмәси просесини асанлашдырмаг үзрә сәјләринин ардынҹа, августун 13-дә Әбу-Дәби вә Тәл-Әвив дипломатик мүнасибәтләрин там шәкилдә адиләшдирилмәси барәдә мүгавилә бағламагла разылашдылар. Әмирликләрин сионист режимлә әлагәләри адиләшдирмәк үзрә һәрәкәти бир чох ислами өлкә вә фәләстинли мүгавимәт груплар тәрәфиндән писләнибдир.
342/
