АБНА24 Хәбәр Верир, бу барәдә Баш катиб А. Гутерреш БМТ Баш Ассамблејасынын 75-ҹи сессијасынын икинҹи ҝүнүндә чыхышы заманы билдириб. “Мән пандемија башлајан кими бүтүн өлкәләрә глобал атәшкәслә бағлы чағырыш етдим. Бу чағырышын бејнәлхалг иҹтимаијјәт тәрәфиндән илин сонунадәк реаллашдырылмасына јени бир тәкан вермәк үчүн бу ҝүн мән јенә дә мүраҹиәт едирәм. Бизим дүз 100 ҝүнүмүз вар. Пандемија дөврүндә мүнагишәләрин јеҝанә бир галиби вар: о да вирус өзүдүр”, - дејә Баш катиб дејиб. О вурғулајыб ки, онун мартда глобал сүлһлә бағлы чағырышына 180 өлкә, һәмчинин дини лидерләр, реҝионал тәрәфдашлар, вәтәндаш ҹәмијјәтинин нүмајәндәләри дәстәк вериб: “Камерун, Колумбија, Филиппин вә диҝәр өлкәләрдә һәрби груплашмалар белә бу чағырыша ҹаваб верди. Бу үмид үчүн бир сәбәбдир. Сүлһ вә барышыға наил олмаг үчүн јени коллектив сәјләрин вахты чатыб. Тәһлүкәсизлик Шурасынын лидерлији илә бу илин сонуна гәдәр глобал атәшкәсә наил олмаг үчүн интенсив бејнәлхалг сәјләр ҝөстәрмәјә чағырырам. Бизим 100 ҝүнүмүз вар. Вахт дајанмыр. Бүтүн “гајнар мүнагишә”ләри дајандырмаг үчүн дүнјанын глобал бир атәшкәсә еһтијаҹы вар”.
342/
