АБНА24 Хәбәр Верир, бу сөзләри Ислам Ингилабынын Бөјүк Рәһбәри Һәзрәт Ајәтуллаһ Хаменеи "Мүгәддәс Мүдафиә"нин 40-ҹы илдөнүмү мәрасиминдә сөјләјибләр. Ингилаб Рәһбәри "Мүгәддәс Мүдафиә" һәфтәсинин 40-ҹы илдөнүмү мүнасибәтилә тәшкил едилмиш аным мәрасиминдә етдикләри чыхышда өнәмли мәгамлара тохунублар: "Бу ҝүн вәтәни, онун сәрһәдләрини вә Исламы мүдафиә етмәк үчүн аиләсиндән, атасындан, анасындан, әлиндә олан һәр шејдән ваз кечәрәк, дүшмән гаршысына чыхан, бу јолда ҹаныны белә вермәкдән чәкинмәјән фәдакар вә мүбариз дөјүшчүләрин хатирәсинин аным ҝүнүдүр. Исламы мүдафиә етдиләр, милли шәрәф вә ләјагәти мүдафиә етдиләр, намусу мүдафиә етдиләр. Бәзиләри шәһид олдулар. Бәзиләри дә һәјатда галараг, башладыглары иши сона јетирдиләр. Дәфәләрлә демишәм. Әҝәр шәһидләрин хатирәси бу шәкилдә анылмасајды, шәһидлик севдасы да бу гәдәр аловланмазды. Бир шәһәрә шәһид ҹәназәси дахил олдугда, халгын әзәмәтли иштиракы, шәһидин гаршыланмасы вә онунла вида мәрасиминин мөһтәшәм олмасы, сон дәрәҹә тәсирли бир һадисәдир. Мүгәддәс Мүдафиәдә ән али фәзиләтләрин ортаја чыхмасынын шаһиди олдуг. Һәм әхлаги, һәм дә мәнәви фәзиләтләрин. Һәгигәтән, башга бир јердә буна бәнзәр һадисәнин шаһиди олмаг чох чәтиндир. Дүнјада бу гәдәр чох инсанын јашадығы бир һалда, Мүгәддәс Мүдафиәдән башга һансыса јердә белә бир әхлаги вә мәнәви алилик мүшаһидә етмәк имкансыздыр." бу сөзләри Ислам Ингилабынын Бөјүк Рәһбәри Һәзрәт Ајәтуллаһ Хаменеи "Мүгәддәс Мүдафиә" һәфтәсинин 40-ҹы илдөнүмүнә һәср олунмуш аным мәрасиминдә дејибләр. Һәзрәт Ајәтуллаһ Хаменеи "Мүгәддәс Мүдафиә" һәфтәсинин 40-ҹы илдөнүмүнә һәср олунмуш аным мәрасиминдә баш вермиш һадисәнин садәҹә ики гоншу өлкә арасында чыхан саваш олмадығына, пәрдә архасында башга гүдрәтләрин дајандығына диггәт чәкибләр: "Имам Хомејни(рә)-ин бөјүк иши елә илк башдан дүшмәни дүзҝүн танымасы олду. Бу савашда һәгиги дүшмәнин ким олдуғуну анлады вә Сәддамын садәҹә бир васитә олдуғуну дәрк етди. Елә буна ҝөрә дә Имам(рә) өз чыхышларынын бириндә белә демишди: "Америка Совет Иттифагындан, Совет Иттифагы да Америкадан писдир. Инҝилтәрә исә икисиндән дә писдир." Јәни, мүһарибә мејданында башлыҹа дүшмәнләрин онлар олдуғуну анламышды. Имамын(рә) икинҹи өнәмли иши, халгын бу бөјүк мәсәләнин өһдәсиндән ҝәлә биләҹәјини дәрк етмәси олду. Имам(рә) анламышды ки, бу мәсәлә сырф силаһлы гүввәләрин мәсәләси дејил, халгын мәсәләсидир. Халг ајаға галхмалы вә мәсәләјә мүдахилә етмәли иди. Ислам Ингилабыны гәләбәјә апаран Иран халгы олдуғу кими, мүһарибәни дә гәләбәјә Иран халгы апармалы иди. Вә Имам(рә) буну дәрк етмишди вә елә һадисәләри дә бу истигамәтә јөнләндирди. Нәтиҹәдә, бөјүк бир халг һәрәкатыны формалашдырды."
342/
