АБНА24 Хәбәр Верир, Иранын Хариҹи Ишләр Назирлијинин мәтбуат катиби Сәид Хәтибзадә өз Твиттер сәһифәсиндә јазыб: "АБШ-ын кечмиш президенти Ҹорҹ Буш заманы америкалы милитаристләр садәлөвһ журналистләрдән 7 трилјон долларлыг Ираг мүһарибәсини халга сатмаг үчүн истифадә етдиләр вә инди дә һәмин ссенарини тәкрарламаг истәјирләр вә "Политико" вебсајтындан өз јаланларыны јајмаг үчүн истифадә едирләр". Хәтибзадә хатырладыб: "АБШ медиалары сијасәтчиләр тәрәфиндән суи-истифадәјә мәруз галмамаг үчүн ајыг олмалыдырлар". Политико вебсајты АБШ-ын кәшфијјат мәлуматына вә бу өлкә һөкумәтинә јахын рәсмиләрә истинадла Иранын, АБШ-ын Ҹәнуби Африкадакы сәфирини террор етмәк нијјәтиндә олдуғуну иддиа едиб. Бундан әввәл Иранын Хариҹи Ишләр Назирлијинин сөзчүсү бу гәрәзли вә мәгсәдјөнлү иддиалары рәдд едиб вә АБШ рәсмиләринә бејнәлхалг аренада анти-Иран атмосфери јаратмаг үчүн тәкрарланан вә чүрүк методлардан истифадә етмәмәји төвсијә едиб.
342/
