АБНА24 Хәбәр Верир, Иран вә Түркијә президентләри ики өлкәнин Стратежи Әлагәләр үзрә Али Шурасынын 6-ҹы иҹласында Теһран-Анкара мүгавиләләринин иҹрасынын сүрәтләндирилмәси ваҹиблијини вурғулајыблар. Иран Ислам Республикасынын президенти Һәсән Руһани дүнән ики өлкәнин јүксәк сәвијјәли һејәтләринин видеоконфранс формасында кечирилән Иран-Түркијә Стратежи Әлагәләр үзрә Али Шурасынын 6-ҹы иҹласында дејиб: Ики өлкәнин нефт, газ вә туризм саһәләриндә инвестисија, һәмчинин нәглијјат, нефт-кимја вә енерҝетика саһәләриндә әмәкдашлыг да дахил олмагла мүхтәлиф саһәләрдәки мүгавиләләринин һәјата кечирилмәсинә, мүштәрәк комиссија даһа артыг сүрәт вә мигјас вермәлидир. Иран президенти сонра Фәләстин мәсәләсини мүһүм реҝионал мәсәләләрдән адландырыб вә белә дејиб: Әмирликләр өлкәсинин сионист режимлә хәјанәткар мүгавиләси Фәләстин амалына вә Ислам Дүнјасына бир зәрбә, реҝион тәһлүкәсизлији үчүн исә бир тәһдиддир. Түркијә президенти Рәҹәб Тајјыб Әрдоған да Анкара-Теһран һәртәрәфли әлагәләринин ҝенишләндирилмәси зәрурәтинә тәкидлә белә гејд едиб: Түркијә даим Иранда туризм, нәглијјат вә енерҝетика да дахил олмагла мүхтәлиф саһәләрдә сәрмајә јатырымына һазырдыр. Әрдоған сонра бәзи реҝион өлкәләринин Гүдсү ишғал етмиш режимлә олан сазишләринә ишарә илә дејиб: Бу сазишләр Ислам Дүнјасына гаршы ашкарҹасына хәјанәтдир вә мүтләг шәкилдә мүсәлман халгларын мәнафеләринин әлејһинәдир.
342/
