АБНА24 Хәбәр Верир, «Әлһәгг» фәләстинли инсан һаглары мүәссисәси билдириб ки, Гүдсдә вә Гәрб саһилиндә фәләстинлиләрин евләринин мүсадирә олунмасы вә дағыдылмасынын шиддәтләнмәси дүнја иҹтимаијјәтинин Гүдсү ишғал етмиш режими бејнәлхалг гәрарлар вә гәтнамәләри иҹра етмәјә мәҹбур етмәкдә уғурсуз галмасынын нишанәсидир. «Әлһәгг» фәләстинли инсан һаглары мүәссисәси дүнән сонра билдириб: Сон ајлар, хүсусән Гүдсдә, фәләстинлиләрин тәсисатларынын ишғалчылар тәрәфиндән дағыдылмасындан мисли ҝөрүнмәмиш бир далға баш галдырыб. Ишғалчы режим һәрбчиләри тәрәфиндән ҹари милад илинин илк јарысында дағыдылмыш тәсисатларын сајы, орта һесабла ајда отуз бир һал олуб вә бу мүддәтдә фәләстинлиләрә аид олан 186 ев вә ја тәсисат сионист режим тәрәфиндән дағыдылыбдыр. Әлһәгг мүәссисәси сионист режимин фәләстинлиләрин евләри вә диҝәр мүлкләрини дағытмаг үзрә һәрәкәтләринин шиддәтләнмәсини бу режимин гәрб саһилинин ишғал олунмуш әразиләрә гатылмасына даир планынын иҹрасы истигамәтиндә дәјәрләндириб вә белә гејд едиб: Американын сијасәтләри вә сионист режимин дүнја иҹтимаијјәти тәрәфиндән мәсулијјәтә ҹәлб олунмамасы бу режими өз ганун позунтуларыны давам етдирмәкдә даһа да һәјасызлашдырыбдыр.
342/
