АБНА24 Хәбәр Верир, Инҝилтәрә һөкумәти илк дәфә олараг Ирана борҹлу олдуғуну етираф едиб вә борҹуну ҝери өдәмәклә, Иранда һәбсдә олан ики аҝентинин азадлыға бурахылмасыны тәмин етмәјә чалышдығыны билдириб. Инҝилтәрәнин мүдафиә назири Бен Валас Иранда һәбсдә олан Инҝилтәрә вәтәндашларынын вәкилләринә һөкумәтин Ирана олан борҹуну өдәмәк үчүн мүнасиб јоллар ахтардығыны дејиб. Бен Валас Инҝилтәрә һөкумәтинин Ирана борҹлу олдуғуну гәбул етдијини вә бу борҹун гануни јолла өдәнилмәли олдуғуна инандығыны дејиб. Инҝилтәрә һөкумәти Пәһләви режими дөнәминдә танк сатышы илә бағлы мәсәләјә ҝөрә, Ирана 400 милјон фунт (тәгрибән 1.95 милјон доллар) борҹлудур. Иранда Ислам Ингилабынын гәләбә чалмасындан сонра Инҝилтәрә һөкумәти танклары Ирана тәһвил вермәкдән имтина вә мүгавиләни ләғв етди. Рәсми Теһран бунун мүгабилиндә өдәнилән пулун ҝери гајтарылмасыны истәсә дә, Инҝилтәрә һөкумәти узун илләр белә бир борҹун олмадығыны иддиа едиб. Иранда Ислам Ингилабынын гәләбә чалмасына кими Инҝилтәрә Теһрана садәҹә 185 танк тәһвил вермишди.
342/
