АБНА24 Хәбәр Верир, Әрәбистан кралы Салман Бин Әбдүләзиз бу ҝүн бир фәрман имзалајараг, Сәуд Бирҝә Гүввәләринин команданы Фәһәд Бин Түрки Бин Әбдүләзиз Али Сәудун фәалијјәт мүддәтинин сона чатмасы вә коррупсија иттиһамы илә истинтага ҹәлб едилмәсини елан едиб. Әрәбистан кралы, һәмчинин бу өлкәнин Мүдафиә Назирлијинин бир сыра забитләри вә мүлки ишчиләринин диндирилмәси әмрини дә вериб.Бу фәрманлар Әрәбистанын Мүдафиә Назирлијиндә һәјата кечирилән шүбһәли малијјә мүбадиләләри илә әлагәдардыр. Сәудијјә кралы, һәмчинин Әл-Ҹоуф бөлҝәсинин әмири Әбдүләзиз Бин Фәһәд Бин Түркини дә ишдән азад едиб вә онун истинтага ҹәлб едилмәси әмрини вериб. Мәлик Салманын ҝөстәришинә әсасән, орду ҝенералы Мүтләг Бин Салим Әл-Әзимә Сәуд Бирҝә Гүввәләринин команданы вәзифәсинә тәјин едилиб. Сон ҝүнләрдә Сәудијјә Әрәбистанын бир сыра дөвләт рәсмиләри коррупсија вә торпаг әлә кечирмәк иттиһамлары илә ишдән азад едилиб.
342/
