АБНА24 Хәбәр Верир, Александр Волфович дүнән вурғулајыб ки, Беларус ордусу һазыркы шәраитдә һәрби тәһлүкәсизлији тәмин едир вә дахили тәһдидләр гаршысында өлкәни мүдафиә етмәјә һазырдыр. Беларусун бу јүксәк рүтбәли һәрби рәсмиси сонра дејиб: Орду өлкәнин, ҹәмијјәтин вә Беларусда ишләмәк вә динҹ јашамаг истәјән вәтәндашларын һәр биринин тәһлүкәсизлијини горујаҹаг. Амма ҝәнҹләрин әхлаги дәјәрләринин позулмасына, нәглијјат системинин ифлиҹ едилмәсинә, вәтәндашларын горхудулмасына, тәһсил системинин позулмасы үзрә сәјә вә тарихи биналара гаршы мәнфи һәрәкәтләрә иҹазә вермәјәҹәкдир. Беларус президенти Александр Лукашенко сон заманлар Американы өлкәсиндәки чахнашмаларын архасында дуран амил адландырмышды. О, һәмчинин өз франсыз һәмкары Еммануел Макронун Беларус һөкумәти илә мүхалифләр арасында мүзакирә истигамәтиндә васитәчилијә даир тәклифини рәдд едәрәк, она төвсијә етди ки, «сары жилетлиләр» һәрәкаты илә диалога ҝирсин. Августун 9-да Беларусда алтынҹы президент сечкиләринин кечирилмәсиндән вә Лукашенконун јенидән галиб ҝәлдијинин елан олунмасындан сонра онун мәғлубијјәтә уғрамыш сечки рәгиби Светлана Тихановскајанын тәрәфдарлары Беларус шәһәрләринин күчәләринә чыхараг, сечкиләрин кечирилмәси тәрзинә етираз едиб, полислә тоггушдулар.
342/
