АБНА24 Хәбәр Верир, БМТ Тәһлүкәсизлик Шурасынын дөври сәдри Диан Дҹани дејиб: Шурада Американын Ирана гаршы бејнәлхалг санксијаларын ҝери гајтарылмасы барәдәки әризәсилә бағлы үмуми разылығын олмамасына ҝөрә, шура елә бир мөвгејә малик дејилдир ки, Американын тәләби барәдә артыг аддым атмыш олсун. Бу иҹласда Франсанын БМТ Тәһлүкәсизлик Шурасындакы нүмајәндәси Анна Гојгон да дејиб: 2231 сајлы гәтнамәјә әсасән, Америка нүвә анлашмасынын үзвү сајылмыр вә Вашингтонун билдириши тәтик механизми просесини фәаллашдыра билмәз. Русијанын БМТ-дәки даими нүмајәндәси Васили Небензја да вурғулајыб: Американын өтән һәфтә Тәһлүкәсизлик Шурасынын 2231 сајлы гәтнамәсинин 11-ҹи бәндинә әсасән шуранын сәдринә верилмиш Ирана гаршы бејнәлхалг санксијаларын ҝери гајтарылмасы барәдәки мәктубуну билдириш һесаб етмәк олмаз. Чинин БМТ Тәһлүкәсизлик Шурасындакы нүмајәндәси Тсјан Тсун да дејибдир ки, Американын бу шураја олан билдириши Ирана гаршы санксијаларын ҝери дөнмәси просесинин башланғыҹы мәнасында нәзәрдә тутулмамалыдыр. АБШ-ын дөвләт катиби Мајк Помпео августун 20-дә БМТ Тәһлүкәсизлик Шурасынын сәдринә бир мәктуб тәгим едәрәк, Ираны нүвә анлашмасыны позмагда иттиһам етди вә рәсмән/ нүвә анлашмасына вә 2231 сајлы гәтнамәјә әсасән ләғв едилмиш «Ирана гаршы санксијалар»ын ҝери гајтарылмасыны истәди. Американын БМТ Тәһлүкәсизлик Шурасына олан бу рәсми әризәсиндән сонра ҹүмә ҝүнү шуранын дөрд даими вә доггуз гејри-даими үзвү дахил олмагла онун он үч үзвү ачыг шәкилдә билдирди ки, Американын әризәсинин һеч бир гануни әсасы јохдур. Нүвә анлашмасына дахил олан Алманија, Инҝилтәрә вә Франса да бир бәјанатда билдирдиләр ки, Американын/ Ирана гаршы тәтик механизминин истифадә олунмасы үзрә һәрәкәтини һимајә етмирләр.
342/
