АБНА24 Хәбәр Верир, Түркијә һөкумәти әмирликләрин Исраиллә разылыг әлдә едәрәк икитәрәфли мүнасибәтләри нормаллашдырмаг гәрарыны икиүзлүлүк адландырыб. Түркијә Хариҹи Ишләр Назирлијинин бәјанатында гејд олунур ки, реҝион халглары Фәләстин мәсәләсинә хәјанәт едән вә буну фәдакарҹасына атылмыш аддым кими тәгдим етмәк истәјән БӘӘ-нин ријакар һәрәкәтини унутмајаҹаг вә һеч вахт бағышламајаҹагдыр. Бу елә бир һалдадыр ки, Сәудијјә Әрәбистаны илә Әрәб Лигасынын разылашмаја гаршы сәссиз галмасы марагла гаршыланыр. Буну әлбәттә ки, мүстәгил мүшаһидәчиләр һеч дә тәсадүфи сајмырлар. Сәбәбләр тамамилә ҝөз габағындадыр. Иртиҹачы Әрәб режимләринин башчылары деврилмәмәк, даһа доғрусу күрсүсүнү ититрмәмәк үчүн АБШ-а сығыныблар. Бу сәбәбдән Сәудијјә Әрәбистаны, Мисир, БӘӘ, Бәһрејн вә Оман кими өлкәләрдә Фәләстин мәсәләси илә бағлы јүрүдүлән сијасәтдә бөјүк дәјишиклик баш вериб. Гондарма режим исә буну өзүнә леҝитимлик газанмаг үчүн фүрсәтә чевириб. Бу просесдә тәбии ки, итирән тәрәф әрәб режимләридир вә онлар ҝеҹ-тез өз халгларынын гәзәбинә туш ҝәләҹәкләр. Бу илин Һәҹҹ мүраҹиәтиндә Ислам Ингилабынын Бөјүк Рәһбәри Һәзрәт Ајәтуллаһүл-узма Хаменеи өз мүсәлман гардашына архаланмагданса, дүшмәнин гуҹағына сығынан вә бир нечә ҝүнлүк шәхси мәнфәәти үчүн дүшмәнин тәһгирләри вә зоракылыгларына дөзән, өз халгынын иззәт вә мүстәгиллијини дәјәр-дәјмәзинә сатыша бурахан бәзи дөвләт башчыларыны иттиһам етмишләр ки, онлар залым гәсбкар сионист режимин јашамасы илә разылашыр, ҝизли јахуд ашкар шәкилдә гәсбкар режимә достлуг әли узадырлар. “Бунлары нәсиһәт едир вә бу рәфтарын аҹы нәтиҹәләри барәдә хәбәрдарлыг едирик”-дејә о һәзрәт вурғуламышлар. Бу ибрәтли ачыгламаја истинадла демәк лазымдыр ки, Бирләшмиш Әрәб Әмирликләринин Исраил илә үздәнираг "нормаллашма" олараг атдығы аддым Фәләстин халгына һеч бир фајда вермәјән вә бу мүбаризәјә сијаси суи-гәсд вә хәјанәтдир. Бу разылашма Исраил тәҹавүзүнү гануниләшдирмәк вә реҝионал сүлһә тәһлүкә јаратмаг ҹәһдидир. Зира һеч кимә сирр дејил ки, Јахын Шәргдә мүсәлман өлкәләринин ишғалында, баш верән күтләви иғтишаш вә силаһлы гаршыдурмаларын јаранмасында Исраилин даима иштиракы вә мүдахиләси олуб. Әтрафындакы мүсәлман өлкәләриндә гарышыглыг, хаос вә мүхтәлиф ҹинајәтләр јарадараг, Фәләстинин ишғалы илә бағлы планларыны раһат һәјата кечирмәк нијјәтиндә олан Исраил режими бунунла да сионистләр үчүн әмин-аман бир өлкә гурмаг нијјәтиндәдир. Лакин Түркијә һөкумәтинин дә билдирдији кими Фәләстинин ҝүнаһсыз инсанлары вә дүнјанын бүтүн азадлыг севән халглары ишғалчы вә ҹинајәткар Исраил режими илә мүнасибәтләри нормаллашдырмағы вә она шәрик олмағы һеч вахт бағышламајаҹаг.
342/
