АБНА24 Хәбәр Верир, Рәҹәб Тајјыб Әрдоған Түркијәнин тәһдид вә санксијалара тәслим олмајаҹағыны вә Аралыг дәнизинин шәргиндәки кәшфијјат-газма ишини давам етдирәҹәјини дејиб.. Түркијә вә Јунаныстан нефт вә газ кәшфијјатларына ҝөрә, хүсуси өнәм кәсб едән Шәрги Аралыг дәнизиндәки мәнтәгәләрин мүлкијјәтинә даир ихтилафа маликдирләр. Һал-һазырда Түркијәнин «Оруҹ Реис» адлы кәшфијјат ҝәмиси Анкаранын өз мүлкијјәти һесаб етдији бу мәнтәгәләрдә кәшфијјат-газма фәалијјәтләри ҝөстәрмәкдәдир. Афина исә бу мәнтәгәнин Јунаныстана аид олдуғуну иддиа едир. Түркијә Киприн һакимијјәтини танымыр вә јалныз онун түрксакинли һиссәсини гәбул едир. Бу үздән, һәмин бөлҝәләрдә нефт вә газ кәшфијјат әмәлијјатларына башламагда өзүнү һаглы һесаб едир. Аралыг дәнизиндә јерләшән Кипр адасы 1974-ҹү илдә Јунаныстанла Түркијә арасындакы ихтилафын ардынҹа вә ики өлкә арасындакы тоггушмалардан сонра түрксакинли шимал вә јунансакинли ҹәнуб һиссәләринә бөлүндү.
342/
