АБНА24 Хәбәр Верир, Рөјтерс-ин мәлуматына ҝөрә, сөзү ҝедән разылашма БӘӘ-ни Мисир Вә Иорданијадан сонра бу режимлә мүгавилә бағлајан үчүнҹү өлкәјә чевириб вә беләликлә дә АБШ силаһларына хүсуси чыхыш әлдә едиб. АБШ-ын Фәләстинин ишғал олунмуш әразиләриндәки сәфири Давид Фридман дејиб: "БӘӘ Исраил режиминә јахынлашдыгҹа вә онун тәрәфдашы олдугҹа бир о гәдәр дә АБШ-ын реҝионал мүттәфигинә чеврилир". Бу мәлумата әсасән, АБШ сионист режиминә әрәб өлкәләринә нисбәтән даһа габагҹыл силаһлар әлдә едә билмәси илә бағлы гарант вериб. Буна мисал олараг, сионист режимин истифадә етдији, Лакин БӘӘ-јә ону алмаға иҹазә верилмәдији АБШ-ын Ф-35 гырыҹыларыны ҝөстәрмәк олар. Јахын Шәрг Сијасәти үзрә Вашингтон Институтунда Әрәб-Исраил мүнасибәтләри лајиһәсинин директору Давид Маковскј Рөјтерс-ә мүсаһибәсиндә дејиб: "Шүбһәсиз бу разылашма Әмирликләрин уғурудур, чүнки бундан әввәл хүсуси технолоҝијалардан Исраил режими әлејһинә истифадә етмә еһтималы олдуғундан тәтбиг едилән мәһдудијјәтләрә ҝөрә, әлдә едә билмәдији АБШ силаһларыны бундан сонра сатын ала биләҹәк". БӘӘ-нин сионист режими илә әлагәләрин нормаллашдырылмасына даир әлдә етдији разылашма бир чох Ислам өлкәләри вә Фәләстинин мүгавимәт групларынын кәскин гынағына сәбәб олуб.
342/
