АБНА24 Хәбәр Верир, Ирагын хариҹи ишләр назири Фуад Һүсејн бу ҝүн Франса, Алманија вә Британија хариҹи ишләр назирләри илә телефон сөһбәтиндә, Түркијәнин Ирагын суверенлијинә гаршы ардыҹыл һүҹумларыны гынајыб. Ирагын хариҹи ишләр назири Авропа өлкәләринин Түркијәнин ардыҹыл вә тәкрарланан һүҹумларынын дајандырылмасы вә бу өлкә һәрбчиләринин Ираг торпагларындан ҝери чәкилмәси үчүн фәал рол ојнамасынын ваҹиблијини вурғулајыб. Авропа өлкәләринин хариҹи ишләр назирләри дә Ирагла һәмрәјлик ифадә едәрәк, Түркијәнин Ирага тәҹавүзүнү гынајыблар. Франса, Алманија вә Британијанын хариҹи ишләр назирләри, һәмчинин меһрибан гоншулуг принсипи вә бејнәлхалг гәтнамәләрә һөрмәт етмәјин ваҹиблијини вурғулајыблар. Ираг мәнбәләри августун 11-дә бу өлкәнин шималында сәрһәдчиләрин иҹласына Түркијәнин ПУА һүҹумундан хәбәр верибләр, бу һүҹум нәтиҹәсиндә ики јүксәк рүтбәли забит вә ики әсҝәр һәлак олуб.
342/
