АБНА24 Хәбәр Верир, буну Фәләстин Өзүнү Идарәетмә Тәшкилатынын мәтбуат катиби Нәбил Әбординә дејиб. Фәләстин Өзүнү Идарәетмә Тәшкилатынын мәтбуат катиби вурғулајыб: "БӘӘ-нин сионист режими илә мүнасибәтләрин нормаллашдырылмасына даир һәрәкәти бу режимин фәләстинлиләрә гаршы ҹинајәтләринин интенсивләшмәсинә ҝөстәрилән јашыл ишыгдыр". Нәбил Әбординә дүнән ҝеҹә сионист режим илә БӘӘ-нин разылашмасына гаршы чыхараг, дејиб: "Әмирликләрин бу һәрәкәти һеч вахт Гәрб саһилинин илһагыны дајандырмајаҹаг вә Фәләстин халгы үчүн һеч бир сүлһ ҝәтирмәјәҹәк". Фәләстин Өзүнү Идарәетмә Тәшкилатынын мәтбуат катиби гејд едиб ки, БӘӘ-нин бу һәрәкәти Истраил режими үчүн леҝитимлик газанмајаҹаг вә Әбу-Дабинин белә бир мөвге сәрҝиләмәси фәләстинлиләр тәрәфиндән истәнилән сәвијјәдә гәбуледилмәздыр". Әбордине даһа сонра вурғулајыб: "Әмирликләр вә бәзи диҝәр өлкәләр иддиа едирләр ки, сүлһ ардынҹадырлар, Лакин бу методлар тәкҹә Фәләстинин даһа чох ишғал едилмәси үчүн сионист режимин баш назири Бенјамин Нетанјаһуја верилән бир һәдијјәдир". Фәләстин Өзүнү Идарәетмә Тәшкилатынын сәдри Маһмуд Аббас да өз нөвбәсиндә дипломатик әлагәләрин гурулмасына даир сионист режими илә Әмирликләрин разылашмасына кәскин реаксија верәрәк, вурғулајыб: "Бу разылашманын фәсадларыны арашдырмаг үчүн тәҹили иҹласын кечирилмәси лазымдыр". БӘӘ илә сионист режими арасында мүнасибәтләрин нормаллашдырылмасыны асанлашдырмаг үчүн АБШ президенти Доналд Трампын ардыҹыл сәјләри нәтиҹәсиндә тәрәфләр августун 13-дә дипломатик әлагәләрин адиләшдирилмәсинә даир разылыға ҝәлибләр.
342/
