АБНА24 Хәбәр Верир, Иран Ислам Республикасы Президенти Һәсән Руһани бу ҝүн Назирләр Кабинетинин иҹласында етдији чыхышында гоншу өлкәләри АБШ-ын суи-истифадәси гаршысында ајыг олмаға чағырыб вә гејд едиб ки, реҝион өлкәләри реҝион халгынын ресурсларыны талан едиб онун гаршылығында гоншуларыны бомбаламаг үчүн силаһ сатанлардан еһтијат етмәлидирләр. Һәсән Руһани Иранын, Ирагын Бәәс режиминин деврилмиш диктатору Сәддам Һүсејнин Күвејтә һүҹумуну гынајан илк өлкә олдуғуну бәјан едиб. "Иран әмәлдә сүбут едибдир ки, реҝионун сабитлијинин тәрәфдарыдыр вә әҝәр о заман Сәддам Һүсејнә јашыл ишыг ҝөстәрсәјди бу диктатор Күвејт һүҹумуну сабаһысы ҝүнү бүтүн Әрәбистан, Гәтәр вә БӘӘ-ни дә ишғал едәҹәкдир", -дејә Руһани әлавә едиб. Иран президенти бәзи реҝион өлкәләринә хитабән дејиб: "Әҝәр Иран реҝионун сабитлији үчүн сәј ҝөстәрмәсәјди, Иранын бәзи ҹәнуб гоншулары инди јохудулар". Руһани, һәмчинин АБШ-ын анти-Иран гәтнамә лајиһәсинин БМТ-нин Тәһлүкәсизлик Шурасында тәсдигләнмәсини нүвә анлашмасынын кобуд шәкилдә позулмасы кими дәјәрләндириб вә онун нәтиҹәләри илә бағлы сәбәбкарларынын мәсулијјәт дашыјаҹағыны билдириб. "Вашингтон Иран гаршысында мәғлуб олаҹаг вә Иран милли мараглары вә гајда-ганунлара әсасән ҝөрдүјү һәр бир ишдә уғур газанаҹаг", -дејә дөвләт башчысы әлавә едиб. Иран Президенти сөзләринин давамында һәр кәси Ливан һадисәсиндән суи-истифадә етмәкдән чәкинмәјә чағырыб вә дејиб" Ливан бирлик, сакитлик вә јардыма еһтијаҹлыдыр". Һәсән Руһани, һәмчинин Иранын Ливавана ҝөндәрдији тибби ләвазимат вә дәрман јардымларына да тохунуб. О, мүхтәлиф һадисләләр гаршысында мүгавимә ҝөстәрән Ливанын һөрмәтли халгынын бу дәфә дә мүвәффәг олаҹағына вә бу чәтин ҝүнләри архада гојаҹағына әминлик ифадә едиб.
342/
