АБНА24 Хәбәр Верир, Алманијанын Федерал Статистика Аҝентлијинин һесабатына әсасән ҹари илин икинҹи рүбүндә бу өлкә игтисадијјаты 10,1 фаиз кичилибдир. Аҝентлик Алманијанын үмумдахили истеһсалындакы азалманы тарихи адландырыб. Билдириб ки, бу сүгут һәтта 2009-ҹу ил игтисади бөһраны дөврүндә белә ҝөрүнмәјибдир. Алманијанын игтисади инкишаф ҝөстәриҹисинин 2008-ҹи илдәки малијјә бөһраны ҝүнләриндә тәгрибән беш фаиз азалдығы бир һалда, коронавирусдан гајнагланан бөһран Алманија игтисадијјатына һәмин илдәки малијјә бөһранындан икигат чох зијан вурубдур. Белә бир тәнәззүл икинҹи дүнја мүһарибәсиндән сонра Алманија тарихиндә, хүсусән мүттәфиг Алманијада ҝөрүнмәмиш бир һал олараг, бу өлкә ихраҹатынын азалмасына ҝөрә, Алманијанын игтисади инкишаф темпинин азалмасындан ирәли ҝәлир. Алманијанын игтисадијјат назири Петер Алтмајер бу һагда хәбәрдарлыг едәрәк билдирибдир ки, коронавирус пандемијасы Авропанын ән ири игтисадијјатыны ән пис сүгут астанасына сүрүкләјә биләр. Белә бир һалда, бу мүддәтдә бу өлкәдә ишсизләрин сајы ики милјон 910 мин нәфәрә чатыбдыр.
342/
